Foz, 10 de xullo de 2025. O Concello de Foz anuncia que a vindeira semana o tradicional mercado dos martes, que se debería celebrar o día 15, muda de data para o venres 18, debido á festas do Carme.
O alcalde, Fran Cajoto, explica que “despois da petición de varios postos de venta ambulante, buscouse unha solución consensuada ante a imposibilidade dun cambio de ubicación para celebrar o mercado o mesmo martes, polas dificultades de mobilidade que presenta ese día o casco urbano. A Policía Local recomendaba non celebrar o mercado o martes debido á ocupación da explanada portuaria, onde se sitúan os postos, polas atraccións e infraestruturas da festa do Carme, ademais de haber obras en distintos puntos do pobo: na mesma explanada portuaria coas instalacións da nova depuradora de auga residuais, a reforma da rúa Irmandiños e ademais a dificultade engadida das limitacións de estacionamento e dos cortes en distintas rúas que se van producir o martes para a elaboración das alfombras florais do Carme”.
O rexedor municipal engade: “vimos o cambio de data como unha alternativa viable e a única posible nestas circunstancias e os vendedores así o entenderon, o que lles agradecemos. Teñen sempre boa disposición co Concello nun mercado semanal que é o máis grande da Mariña e que queremos seguir potenciando pola repercusión tan positiva que ten para os negocios de todo o pobo e tamén como un servizo público indispensable para a veciñanza do o concello”.
Fran Cajoto lamenta “as críticas do principal partido da oposición, precisamente cando o Partido Popular no seu mandato o que facía nestes casos era directamente anular o mercado sen ofrecer ningún tipo de alternativa”.
O alcalde remata remarcando que a vindeira semana o mercado de Foz celebrarase o venres día 18 no horario e na situación habitual, no peirao de Foz.
O alumnado pertence aos cursos subvencionados pola Xunta de Galicia, que se imparten en Academia A Mariña, “ao finalizar a formación conseguirán a titulación oficial”, explica Becky Hermida, directora de Academia A Mariña.
Ata o 12 de xullo, mozos e mozas poderán gozar, aprender e mellorar a súa técnica nun ambiente divertido e seguro. Está organizado pola FEGAN (Federación Galega de Natación) en colaboración co Concello de Cervo, este campus aposta polo deporte e a formación.
Este luns tivo lugar a presentación do cartaz. Estiveron presentes os organizadores, membros da Asociación de Festexos A Medorra (Jordi Meitín, Julio Lamelas e Borja Cociña) acompañados da Primeira Tenente de Alcalde Mª Dolores Meitín. Ás 12 da mañá dará comezo a festa co pregón a cargo de Basilio Otero, presidente da Federación Nacional de Cofradías de Pescadores. A xornada gastronómica estará amenizada por “Os Charangos de Neda” e polos cantos de taberna de “Espera que vou mexar”.
As crianzas gozaron dunha primeira sesión chea de movemento, relaxación e diversión na Casa do Mar en San Cibrao, un espazo para coidar o corpo e a mente mentres se pasa un bo rato coas amigas e amigos
O Club Shitokai Galicia A Mariña presentou a catro aspirantes que resultaron aprobados: Carlos Fernández e Elena Dovale: 2º Dan (coa inestimable colaboración de Alejandra Gómez nos traballos técnicos por parellas). Gael Álvarez e Cristian Rancaño: Cinto Negro. Con estes resultados alcanzaron xa a cifra de 160 Cintos Negros Oficiais RFEK recoñecidos por CSD. A destacar o magnífico traballo realizado por todos os aspirantes.
No curso traballáronse técnicas antigas de Ju Jutsu e Aiki Jujutsu. Desprazáronse profesores e alumnos avanzados de diferentes recunchos de España, así como de Portugal, Ucrania, Países Baixos, Suecia e Bélxica. A alcaldesa, Dolores García Caramés, quixo achegarse ata o pavillón do CEIP Península da Paz para saudar ás persoas asistentes e felicitou unha vez máis a Miguel Ángel Rojo por volver poñer a Cervo no mapa a nivel Europeo en canto a seminarios de artes marciais do máximo nivel.
Nada se puido facer por salvarlle a vida. O 112 Galicia foi coñecedor deste suceso uns vinte minutos antes das 14:00 horas deste domingo, momento no que un coche e unha moto colidiron, co motorista inconsciente logo do impacto. Desde o CIAE 112 Galicia solicitouse a intervención do Servizo de Urxencias Sanitarias de Galicia-061, do GES de Ortigueira, da Garda Civil de Tráfico e da Policía Local. Os medios acudiron ata o punto, no quilómetro 49 da AC-862, pero só puideron confirmar o falecemento do motorista.
