Sandra Morado asume a Secretaría Xeral, acompañada por Paula Vigo Lamas como Secretaria de Organización e Igualdade e Jesús Río como Secretario de Política Municipal
Vilalba, 24 de xullo de 2025. As Xuventudes Socialistas de Galicia (XSG) constituíron este mércores a súa agrupación local en Vilalba, co obxectivo de reforzar a organización da mocidade socialista no municipio e consolidar a estrutura das XSG na provincia de Lugo.
A agrupación estará encabezada por Sandra Morado, como Secretaria Xeral, acompañada por Paula Vigo Lamas, que asumirá a Secretaría de Organización e Igualdade, e por Jesús Río Iglesias, como Secretario de Política Municipal. O novo equipo comprométese a reivindicar os intereses e as demandas da mocidade vilalbesa.
No acto de constitución participaron a Secretaria de Organización do PSdeG, Lara Méndez López; a Secretaria Xeral da agrupación de Vilalba, Marta Rouco; o Secretario Xeral das XSG, Xurxo Doval; e a coordinadora provincial de Lugo, Eva Blanco. Os socialistas expresaron o seu apoio ao novo equipo e destacaron a importancia de que a mocidade conte cunha estrutura organizada que lle permita participar activamente na vida política e social do territorio.
Desde o PSdeG-PSOE na provincia de Lugo celebramos a reorganización desta agrupación local, convencidos de que contribuirán a reforzar a presenza socialista en Vilalba e a sumar esforzos, desde a base, para avanzar nas políticas públicas que defenden os dereitos da mocidade en ámbitos clave como a igualdade, a vivenda ou a educación.
O Dúo Eclipse será o encargado de poñer a música nunha nova tarde-noite chea de ritmo, baile e bo ambiente no Guateque de Arruguiñas. A cita é este sábado, 28 de febreiro na Casa do Mar de San Cibrao ás 19:30 h. Ademais, o alumnado de 2º de Bacharelato, en colaboración coa Oficina de Voluntariado Xuvenil, ofrecerá bingo e chocolate para completar a festa. O evento conta tamén coa colaboración da Asociación de Xubilados Terramar.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
Neste espazo radiofónico, de 12 a 14 horas, Félix Jorquera falará coa directora do IES de Foz, Leticia Maseda, co coordinador do evento, José Ríos, así como con alumnado e profesorado participante e moi implicado nos Campionatos Internacionais de Baristas e Catas de Café, que estes días enchen Foz de xente e de aroma cafeteiro.
Os propietarios, Javier Montero e Tita Iglesias, recolleron o recoñecemento na Coruña, agradecendo o apoio da clientela, do seu equipo —formado integramente por mulleres— e da propia guía. O establecemento mantén esta recomendación desde 2021 e suma tamén un Sol Repsol, obtido en 2024 e renovado para 2026. O hotel restaurante Javier Montero abriu as súas portas en novembro de 2018.
Unha comedia orientada para público adulto dirixida por Cándido Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
