Ribadeo, 22 de xullo, 2025. Nun primeiro momento, e a falta de ter os datos definitivos, desde o BNG de Ribadeo denunciouse que a cantidade que se adebedaba era duns 662.000€, pero, unha vez actualizadas as facturas que faltaban por contabilizar, a cifra ascende a case un millón de euros, un total de 952.791€. Unha cifra que se disparou en tan só un ano, e que conleva que autónomos e empresas de Ribadeo leven máis de un ano esperando a cobrar os traballos realizados para o Concello.
O voceiro do BNG, Pablo Vizoso: “Tal e como sospeitabamos, o importe das facturas de 2024 pendentes de pago é superior á cifra inicialmente publicada. Segundo o informe de intervención que nos denegaron en numerosas ocasións, e que finalmente obra no noso poder, podemos afirmar que o importe ascende a 952.791,76€. Este é un dato incuestionable: así consta no informe de intervención. Todo o gasto descontrolado que levamos meses e meses denunciando acaba tendo un custo real. Non son só cifras, estamos a falar de persoas físicas e xurídicas que levan bastante máis de un ano agardando a recibir o pagamento polos traballos que realizaron para o Concello. Familias enteiras que dependen en maior ou menor medida destes pagos”.
Vizoso engadiu: “O goberno do PP é directamente responsable desta situación crítica. O prestixio da institución está polo chan, e como xa anunciamos, no ano 2024 só puideron declarar aforros por valor de 224.753€. Cando e como pensa pagar o alcalde estas facturas? Como van pagar se xa hai un bo número de partidas esgotadas no orzamento do 2025? E todo isto tendo en conta que aínda queda a metade do ano. Daniel Vega e o goberno municipal do PP deben reaccionar se non queren acabar con todo; que o fagan polas e polos ribadenses que son aos que se deben”.
Durante o encontro, aberto ao público, proxectouse o vídeo promocional da candidatura e compartiuse a documentación presentada, nun acto que reuniu a numerosos colectivos, entidades e veciños comprometidos co dinamismo social e cultural do concello.
Poderá visitarse ata o vindeiro 29 de xullo con entrada libre no horario habitual. A mostra reúne retratos, paisaxes e esceas íntimas realizadas en acuarela, unha técnica que o autor leva décadas explorando cun estilo persoal, marcado pola sutileza, a emoción e a economía de medios. Médico e investigador en epidemioloxía ambiental, López-Abente desenvolveu a súa carreira no Instituto de Saúde Carlos III, en Madrid. A súa traxectoria artística, que foi medrando en paralelo á científica, ofrece unha ollada singular sobre o mundo que o rodea, entre a precisión e a intuición, entre a memoria e a beleza.
A alcaldesa, Dolores García Caramés, achegouse ata Lieiro para participar na limpeza e acondicionamento deste lugar emblemático, agradecendo o compromiso e implicación do tecido asociativo local, e destacando a importancia de traballar en conxunto para preservar o patrimonio común, xa que "accións coma esta permiten recuperar espazos singulares que forman parte da nosa identidade”.
O queixo Don Crisanto, elaborado baixo a Denominación de Orixe Protexida San Simón da Costa, foi distinguido como o mellor queixo madurado de vaca e recibiu tamén o premio especial ao mellor queixo de España entre as 135 mostras presentadas.
O venres ás 20:30h pregón da Romaxe Viquinga a cargo do historiador e guía turístico oficial Suso Martínez, a continuación desfile polas rúas do Vicedo e cantos de taberna polos establecementos do Vicedo. Finalmente o sábado a 8ª Romaxe Viquinga na praia de San Román, coas actividades centrais habituais (desembarco, desfile, mercado, torneo a cabalo e enterramento) e con moita música tanto celta como tradicional galega con Pelepau, Perkusiona e o espectáculo Queiman Folki para rematar o evento.
A tradicional procesión marítima é un dos momentos máis esperados e especiais destas festas. A cita foi amenizada polo Cuarteto Illa Pancha. Ducias de embarcacións acompañaron á Virxe do Carme, que se fixo á mar no barco do práctico, e surcaron as ondas da ría saíndo de Ribadeo e achegándose a Figueras e Castropol. Xa de volta, a Coral Polifónica de Ribadeo interpretou, entre outros temas, a Salve Mariñeira. Os actos contaron coa presenza do delegado territorial da Xunta en Lugo, do alcalde, de concelleiras e concelleiros da Corporación Municipal de Ribadeo, de representantes da confraría de pescadores, de Aduanas, do Galp A Mariña-Ortegal, de Acisa e da Policía Local, entre outros.
