Trabada, 4 de xullo de 2025. O pasado 1 de xullo deu comezo o primeiro campamento xuvenil do Concello de Trabada, unha nova iniciativa municipal enmarcada nos programas de conciliación familiar e pensada para ofrecer alternativas de ocio saudable durante os meses de verán.
O campamento desenvólvese de luns a venres en horario de 10:00 a 14:00 horas, e está centrado na actividade física e a convivencia sen o uso de dispositivos electrónicos, como móbiles ou tabletas. O obxectivo é fomentar a interacción directa, o deporte, a creatividade e o respecto ao entorno, afastando á mocidade das pantallas durante a xornada.
Como parte da programación, o campamento incluirá tamén unha saída semanal fóra das instalacións, que permitirá aos participantes gozar de experiencias diferentes en contornas variadas. A primeira tivo lugar esta semana e incluíu unha carreira de karts e un paseo a cabalo, dúas actividades que combinaron lecer, deporte e aprendizaxe.
O alcalde de Trabada, Rubén García, destacou que “este é un novo paso dentro do noso compromiso coa conciliación das familias e coa creación de espazos para que a mocidade desfrute do verán de maneira activa, segura e saudable. É a primeira vez que organizamos un campamento xuvenil durante xullo e agosto, e a acollida está sendo moi positiva”.
Desde o Concello de Trabada sinalan que se seguirá traballando para ampliar a oferta de programas de verán, con iniciativas que favorezan a participación da infancia e da mocidade, promovendo valores e fortalecendo o tecido social no municipio.
Unha comedia orientada para público adulto dirixida por Cándio Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
O distintivo, concedido por ADEAC, recoñece a excelencia ambiental e a xestión sostible do territorio.En 2026 o programa acada cifras récord, con máis de 1.200 km de sendeiros en 154 municipios. A senda franquía destaca pola súa calidade paisaxística e ambiental, ao unir Castello e Porcía a través de acantilados, praias e espazos de alto valor ecolóxico. Este recoñecemento reforza o compromiso de El Franco cun modelo que combina conservación, educación ambiental e turismo sostible, situando o concello na rede estatal de itinerarios de excelencia. A entrega oficial das bandeiras será o 6 de marzo no Castelo de Cullera.
Sinalaron que conta cunha Indicación Xeográfica Protexida con case 70 hectáreas cultivadas, 194 produtores e máis de 215.000 kg certificados en 2025, cun valor superior aos 430.000 euros. Tamén subliñaron que forma parte dos 36 selos de calidade de Galicia e que festas como esta dinamizan o rural e favorecen a venda directa entre produtores e consumidores.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
