Afirma que a Deputación “só buscou enredar e torpedear desde o primeiro momento”, cando soubo do convenio de colaboración entre a Xunta e o Concello para facerse coa titularidade do 100% do ben e poñelo en valor
Lugo, 27 de outubro de 2025. O delegado territorial da Xunta en Lugo, Javier Arias, e o alcalde de Cospeito, Armando Castosa, explicaron hoxe en rolda de prensa que a Deputación de Lugo non puido rexistar a compra de parte da Torre de Caldaloba, en Cospeito, debido a un proceso irregular e malitencionado no que ignoraron o dereito de tanteo exercido en prazo polo Goberno galego.
O delegado aclarou que, ao contrario do que a Deputación intenta aparentar, “neste asunto foi sempre por detrás da Xunta e do Concello, e inmiscuíuse nun proceso que tiñamos en marcha co único afán de enredar e torpedealo desde o primeiro momento”.
Cómpre lembrar que a Xunta e o Concello redactaran un convenio de colaboración o 25 de febreiro do 2022 para a adquisición do 100% deste Ben de Interese Cultural, que foi asinado o 6 de xuño; de feito, Castosa sinalou que o Concello xa chegara a un acordo para mercar dúas das tres propiedades particulares nas que se atopan a torre e o foso defensivo.
Pese a ter coñecemento deste proceso, a Deputación acordou a compra da terceira finca -propiedade de dúas persoas-, comunicouno á Xunta o 4 de agosto do 2022 e formalizaron a escritura de compravenda o 21 de outubro do mesmo ano, sen agardar a que transcorreran os tres meses de prazo establecidos no artigo 49 da Lei de Patrimonio Cultural de Galicia para exercer o dereito de tanteo.
O Goberno galego exerceu este dereito en debida forma e prazo o 3 de novembro, dando traslado á Deputación, ao Concello de Cospeito e aos propietarios implicados. A confirmación de que a venda se consumara antes de tempo chegou polo recurso destes últimos alegando que xa non ostentaban a titularidade, dado que o Goberno provincial en ningún momento comunicou esta cuestión fundamental.
Aínda que a Deputación sabía do exercicio por parte da Xunta do dereito de tanteo, intentou inscribir o ben no Rexistro da Propiedade de Vilalba; sen embargo, este notificoulles, en data 22 de decembro, que a escritura estaba “viciada de nulidade” o que “provoca un peche rexistral que impide a inscrición a favor da Deputación”; o motivo é que obviamente non puideron acreditar que a Xunta non exercera o dereito de tanteo.
O delegado indica que esta actitude “xa demostra unha forma de actuar, pero nin sequera entón cesaron no empeño de poñer paus nas rodas, simulando xestionar axudas para a Torre cando eran conscientes de que non prosperarían porque partían dunha situación de nulidade das actuacións, e por suposto culpando á Xunta dunha parálise que eles mesmos crearan”.
Posto que ignoraron o exercicio do dereito de tanteo, a Xunta non tivo outra opción máis que exercer o dereito de retracto, tal e como acordou no Consello de Goberno do 1 de xuño do 2023, circunstancia pública e notoria.
Interferencia irresponsable e dilatoria
Arias afirma que a Deputación actuou “con absoluta irresponsabilidade, porque a Torre xa sería propiedade do Concello de Cospeito e dos seus veciños, como estaba previsto, se non fora pola súa interferencia; a Xunta financiaba a compra por parte do Concello, e este si tería lexitimidade para solicitar as axudas e acometer as obras de rehabilitación necesarias, ao ser o propietario único do 100% do ben”.
“E agora, lonxe de desistir e deixar o camiño libre, na audiencia previa celebrada hai uns días no xulgado, solicitaron un aprazamento de dous meses do proceso xudicial de retracto para negociar un acordo polo que non parecen ter un interese real, porque non se puxeron en contacto coa Xunta”.
Arias censura a actuación da Deputación, que considera “unha burla aos veciños e veciñas da provincia” e “a constatación de que se serven de calquera escusa, incluso do patrimonio cultural, para intentar obter réditos políticos”.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
O vendedor da ONCE Daniel José López Legaspi foi quen levou a sorte ao municipio desde o seu posto de venda situado na Praza Maior.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
