A estrutura metálica que permitiu reconstruír o faro tras o temporal de 2014 convértese nun elemento patrimonial e artístico da man de David Catá
Burela, 24 de outubro de 2025. O Concello de Burela celebrou hoxe a inauguración do molde do faro, unha intervención artística e patrimonial instalada no paseo da Marosa que forma parte do proxecto “O Espello do Faro”, incluído en Burela Alumea e financiado polo FEMPA a través do GALP A Mariña – Ortegal.
Trátase da estrutura metálica empregada na reconstrución do Faro de Burela tras o temporal de 2014, recuperada para converterse nun elemento artístico e simbólico. A intervención conta coa creación do artista David Catá, baixo o título “La piel del mar”, que transforma o conxunto nun espazo que conecta memoria mariñeira, participación social e arte contemporánea.
O acto de inauguración contou coa participación da alcaldesa de Burela, Carmela López, e representantes do GALP A Mariña Ortegal e da Consellería do Mar. A alcaldesa subliñou que o faro representa “un símbolo para toda a vila”. Lembrou que a caída do faro en 2014 “non só levou unha estrutura, tamén tocou unha identidade colectiva” e que recuperar o molde “é afirmar que seguimos aquí, que Burela non se quebra nin co vento nin coas mareas”.
Carmela López destacou o papel do artista David Catá, poñendo en valor a súa capacidade para “escoitar a emoción que hai nas cousas e facer unha obra que conecta coa memoria, co sentimento e co orgullo de mirar ao mar sen medo”. A rexedora indicou que ver o molde convertido en arte “é recuperar unha parte da alma de Burela e devolvela máis luminosa”, concluíndo que o proxecto “é identidade e pertenza”.
A inauguración incluíu un percorrido polo proxecto e unha performance artística de David Catá, seguida dunha degustación de produto pesqueiro local.
Coa posta en uso deste novo espazo, o Concello de Burela reafirma o seu compromiso coa memoria mariñeira e coa creación cultural ligada ao territorio, habilitando un novo punto de encontro para a cidadanía e as persoas que visitan a vila.
A interrupción do servizo está prevista entre as 8.00 e as 19.00 horas con motivo dos traballos de conexión á nova obra de saneamento que se está a executar na contorna. Trátase dunha intervención necesaria para avanzar na mellora das infraestruturas e dos servizos básicos na zona.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
