O grupo nacionalista presentará no Parlamento e nos concellos iniciativas para garantir o acceso a este servizo a pacientes que o precisen
Riotorto, 1 de outubro de 2025. O BNG reclamará no Parlamento que a Xunta de Galicia extenda a Riotorto e á Pontenova a cobertura do Servizo de Hospitalización a Domicilio (HADO).
O deputado parlamentar Daniel Castro e representantes do grupos municipais presentaron este mércores a iniciativa, que busca garantir o acceso a este servizo ás veciñas e veciños destes concellos que o precisen.
Trátase, segundo se explica na proposta, dun servizo que permite achegar coidados hospitalarios ao domicilio dos pacientes e que se contempla, entre outros casos e sempre baixo indicación médica, para persoas con enfermidades crónicas complexas, anciás ou pacientes de oncoloxía.
A Xunta de Galicia presentou en 2019 un Plan Galego de Hospitalización a Domicilio, co compromiso de proporcionar a toda a poboación de Galicia un acceso equitativo a este servizo, pero seis anos despois, os concellos de Riotorto e A Pontenova seguen sen ter esa cobertura por parte do HULA, o seu hospital de referencia.
O deputado Daniel Castro explicou que “se trata dunha situación que discrimina ás persoas polo lugar de residencia, algo inaceptable cando falamos de servizos públicos básicos como a sanidade”.
A voceira do BNG en Riotorto, Vanesa Gómez, indicou que a moción se presentará este venres no pleno municipal “para poñer enriba da mesa unha demanda que lle corresponde atender á Xunta de Galicia, pero que debería contar tamén co respaldo do goberno municipal que ten a obriga de traballar activamente por servizos públicos de calidade para a veciñanza”.
“Non se entende que sexan os concellos máis alonxados do Hospital os últimos da cola na implantación desta atención no domicilio ”, destacou a voceira nacionalista que lembrou que “a falta deste servizo supón unha carga adicional para o centro de saúde onde a Xunta xa suprimiu unha das prazas de médico”.
O BNG da Pontenova levou a iniciativa a pasada semana ao Pleno municipal, que respaldou a proposta.
Este martes 30 de setembro "soubemos do pasamento do noso veciño e amigo Xosé Luis Barrera Rei. Desde o BNG de Ribadeo queremos transmitir o noso pésame a toda a súa familia e renderlle homenaxe a unha persoa que sempre amosou as súas inquedanzas pola nosa cultura, polo mundo do deporte, e polo seu país: Galiza". Xosé Luis Barrera Rei estivo vinculado ao mundo da cultura ribadense, nomeadamente ao grupo de teatro, e ao mundo do deporte; tamén foi responsábel local do BNG nos anos oitenta. Tres foron as súas paixóns: Galiza, Cuba e o seu Deportivo da Coruña. Na veciñanza queda un recordo moi agradecido polo seu compromiso co país e con Ribadeo. "Sempre formarás parte da nosa memoria, Barrera".
O evento, que se celebra de maneira alterna entre os dous concellos veciños, está aberto á participación de persoas de diversas idades, con diferentes percorridos segundo a categoría: a absoluta percorrerá 6,5 quilómetros; infantil e cadete, 1,6 quilómetros; alevín, 1,2 quilómetros; benxamín, 600 metros; e os pícaros, 200 metros. A saída da carreira absoluta será dende diante da Casa da Cultura do Valadouro, cunha meta situada no entorno do pavillón de Alfoz. Pola súa parte, as categorías inferiores correrán arredor do parque municipal de Alfoz. Ademais, haberá unha andaina popular como parte da oferta.
Para apuntarse hai que enviar un correo a agrupacionfranciscolanza@gmail.com. As clases son totalmente gratuitas.
A cita é ás 20 horas con posteriores petiscos para xs asistentes.
Durante 10 horas combinou parte teórica e práctica. Na teoría trataron conceptos básicos, formación e materias primas en apicultura e fabricación de alimento; e na práctica elaboraron in situ, cos ingredientes necesarios, alimento para as abellas. O obxectivo era amosarlle aos apicultores e aos afeccionados a identificar os distintos tipos de alimentos que utilizar na alimentación das abellas así como a analizar os beneficios que poden conseguir no manexo da colmea grazas a unha correcta alimentación. Na presentación estivo presente o alcalde de Xove, Demetrio Salgueiro, quen agradeceu a asistencia de todo o alumnado, a disponibilidade e atención da Casa do Mel e o financiamento das distintas institucións para que este curso se levase a cabo en Xove.
Pola mañá realizarase unha visita guiada ao mosteiro, así como os seus arredores; a medio día visita a Portomarín, e pola tarde a ao pazo de Tor, en Monforte. O prezo da actividade será de 65€ para socios/as e 75 para non socios/as. Para que se realice a actividade deberá haber un mínimo de 20 persoas inscritas. Non se poderá exceder as 30 por limitacións de público nas visitas. Para inscribirse, enviar un correo indicando nome e apelidos. Para aboar o prezo xa se darán instrucións respondendo a dito correo. Tamén se pode facer a inscrición mediante mensaxe de WhatsApp ao 699809606.
