A primeira parte penaliza a un Burela que “colle o gusto” ás remontadas fóra da casa
Burela, 25 de outubro. Longa viaxe ata Ibiza para “os nosos Pícaros”, que hoxe ás 17.15h xogaron o encontro da quinta xornada no Insular Blancadona ante o Gasifred Atlético Ibiza. Competido encontro cun gol en propia porta no minuto 7 que penaliza ao Burela e unha segunda parte igualada, pero na que o Burela non logra remontar os tres goles de vantaxe non conseguindo anotar ata o minuto 34, a pesar do bo xogo de cinco durante os últimos 3 minutos.
Comeza apertando o Burela con dous lanzamentos a portería de Alberto no primeiro minuto. Primeira ocasión clara do Gasifred no minuto 4 cun disparo frontal que despexa Starna coas mans, outro paradón do porteiro arxentino que despexa un remate afastado, outra vez de Ricard e de novo o xogador do Ibiza volve tentalo logrando despexar a defensa. No minuto 7 chega o primeiro dos locais nunha acción de saque de banda que, xa dirixida a portería, roza a perna de Jason e cóase entre os paus da portería visitante. Continúa tentándoo o Burela e no minuto 13 tena Alán cun disparo escorado que se vai por encima do traveseiro, pero a tres minutos do final chega o segundo dos ibicencos, un remate de Usama desde a liña da área nun saque de esquina de Faly. Lánzaa pola liña de fondo Charly a 20 segundos do final nun disparo afastado moi potente.
Sae João baixo paus na segunda parte, xogo tamén igualado nesta segunda parte onde se mantén o marcador durante os primeiros 10 minutos. No 33 Caruso logra aumentar a vantaxe poñendo o 3-0 nun erro de João que fai unha saída de porteiro, perdendo o balón ante o arxentino, marcando este a pracer cun Charly que tenta frear a xogada sen lograr salvar a situación. Pero o xogador coruñés consegue remontar a moral do do equipo un minuto despois, anotando un golazo tras regatear a Hugo Alonso e executando un disparo potentísimo case dende media pista, que se coa entre a defensa local logrando acadar a rede. Outro minuto despois chega o segundo dos burelenses, esta vez de Pitero, coándolla ao porteiro que deixa un balón parado fronte á portería, recolléndoa o capitán burelense tras un saque de córner de Izan e anotando o 3-2. Aposta David Rial polo xogo de 5 a falta de 3 minutos e sae Jason coa elástica negra ata o final do partido, xerando numerosas ocasións que non logran finalizar entre os paus dos locais. Entre elas, a falta de dúas décimas lánzaa Izan por riba do traveseiro e sendo a última xogada do encontro.
Ficha Técnica Gasifred Atlético Ibiza 3-2 Burela FS
Gasifred Atl. Ibiza (3): Álvaro; Faly, Moreno, Uge, Usama (C) -quinteto inicial-, Ricardo, Ramón Vargas, Hugo Alonso, Caruso, Miguel León.
Burela FS (2): Starna; Jason, Charly, Alberto, Izan, -quinteto inicial-, Meira, Pitero (C), Marquinho, Alán, João Silva (P).
Goles: 1-0, min. 7: Jason (PP). 2-0, min. 17: Usama. 3-0, min. 33:Caruso. 3-1, min. 34: Charly. 3-2, min. 35: Pitero
Árbitros: Alberto Miñano (Valencia), Javier Andreo (Valencia), Silvia Guerrero (Baleares), Juan Alberto Duaso (Baleares)
Incidencias: Veu tarxeta amarela, por parte do conxunto visitante, Pitero.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
