A actuación permitirá aumentar a capacidade de tratamento da EDAR en case 20.000 m³ anuais e supón un importante impulso para o Polígono de Cuíña
Cervo, 17 de outubro do 2025. O Concello de Cervo está a executar unha importante actuación de mellora do sistema de transporte e depuración de augas residuais na EDAR de San Cibrao, situada no Polígono Industrial de Cuíña, cun investimento de algo máis de 150.000 euros -158.311,85 euros concretamente- financiado a través dunha subvención da Xunta de Galicia destinada a parques empresariais.
A alcaldesa, Dolores García Caramés, achegouse ata a planta depuradora para ver in situ o alcance dos traballos destacando que “se trata dunha actuación moi importante para mellorar a eficiencia e a capacidade de tratamento da nosa infraestrutura hidráulica, reducindo os alivios nos episodios de choiva intensa e garantindo un maior volume de auga tratada”.
O proxecto ten como obxectivo optimizar a explotación do tanque de tormentas e da EDAR, aumentando ata en 19.980 m³ anuais a capacidade de tratamento da estación en escenarios de choiva prolongada.
Entre as actuacións máis destacadas atópanse:
Renovación das bombas da EBAR do tanque de tormentas, cun incremento do caudal de bombeo nun 33 %.
Modernización dos cadros eléctricos e sistemas de control, permitindo activar as bombas en función do nivel do tanque.
Mellora da automatización da EDAR, cun novo sistema de control do caudal de entrada ao reactor biolóxico e da recirculación e purga de fangos.
Incorporación de sensores de pH, condutividade e caudal, así como integración de todos os equipos no sistema de telexestión SITIAS, para unha explotación máis eficiente e monitorizada.
Ademais das actuacións na estación principal, e no tanque de tormentas, -no parque Reina Sofía-, tamén se están executando melloras nas estacións de bombeo do polígono, garantindo un funcionamento coordinado de todo o sistema.
A alcaldesa subliñou que “estas melloras supoñen un avance significativo na xestión sostible da auga, asegurando o cumprimento da normativa ambiental”. Engadiu tamén que esta actuación contribúe a fortalecer o Polígono Industrial de Cuíña, “mellorando as súas infraestruturas básicas e reforzando a súa competitividade como espazo estratéxico para a implantación e o desenvolvemento de empresas no municipio”.
Unha actuación que se suma, á que o Concello de Cervo está a executar tamén neste parque empresarial para mellorar os accesos e a mobilidade peonil; proxectos ambos os dous que reflicten unha aposta integral do Concello de Cervo pola modernización e dinamización do polígono, co obxectivo de impulsar o desenvolvemento económico local e ofrecer servizos de maior calidade tamén ás empresas, ás persoas traballadoras e á veciñanza en xeral, que tamén se beneficiará dunha contorna máis ordenada, eficiente e sostible.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
