Lugo, 17 de outubro de 2025. Os deputados do Grupo Provincial Popular Antonio Ameijide, Demetrio Salgueiro, Clemente Iglesias e José María Fernández mantiveron unha nova reunión con alcaldes e portavoces da Mariña dando continuidade á rolda de contactos polo territorio para coñecer máis de preto as necesidades de cada Concello e as demandas dos seus veciños e veciñas.
Os populares incidiron, unha vez máis, no “trato discriminatorio do goberno provincial de PSOE e BNG” aos Concellos gobernados polo Partido Popular e os prexuízos que supón para as arcas municipais e, polo tanto, para os veciños e veciñas, que “a Deputación de Lugo non cumpra coas súas competencias como, por exemplo, o apoio aos Concellos en ámbitos como a xestión do ciclo da auga -negouse no último Pleno a colaborar en proxectos supramunicipais como o de Ribadeo e Trabada- ou a recollida de animais abandonados”.
Os deputados do PP lembran que “moitas estradas provinciais continúan agardando melloras moi necesarias” e que o goberno de PSOE e BNG tamén desatende a política industrial ao “manter paralizado o polígono industrial de Riotorto e en condicións pouco atractivas o de Ourol”. E, ademais, advirten do atraso na construción da residencia da Pontenova, das queixas de usuarios e familiares do centro de Trabada onde continúa sen prestarse o servizo de atención diúrna e da falta de avances para abrir a residencia comprometida en Ourol.
Outras das demandas que trasladan alcaldes e portavoces é “unha maior implicación” do goberno provincial no ámbito turístico mellorando accesos e boa imaxe da comarca e no ámbito da prevención e loita contra incendios forestais colaborando cos Concellos e na mellora da xestión dos parques comarcais de bombeiros. Así mesmo, cren que “a entidade provincial debería colaborar tamén na implantación de ferramentas de xestión dos Concellos e contribuír a sufragar este tipo de gastos a tódolos Concellos da provincia”.
COLABORACIÓN COS CONCELLOS DENTRO DO RESPECTO INSTITUCIONAL
Os alcaldes do Partido Popular fan especial fincapé no “trato desigual” con respecto a alcaldes do PSOE e do BNG toda vez que -na maioría dos casos- non foron recibidos polo presidente da institución provincial, o socialista José Tomé, “como correspondería por respecto institucional”.
En canto ao apoio económico, explican que os Concellos gobernados por PSOE e BNG, ademais dos fondos do Plan Deputación que o goberno provincial achega a tódolos Concellos da provincia obrigado por lei, reciben achegas a través de convenios a dedo que, “na maioría dos casos, supoñen duplicar a cantidade que reciben do Plan Deputación, de forma que poden realizar máis obras, prestar servizos ou, incluso, dirixir a festas ou gastos correntes, dúas finalidades que o Plan Deputación non permite.
Así, os veciños e veciñas de Concellos gobernados polo Partido Popular vénse privados de beneficiarse de máis fondos de tódolos lucenses; especialmente tendo en conta que o goberno provincial se nega a incrementar o Plan Deputación que é o único instrumento de reparto obxectivo da institución provincial impulsado grazas ao PP. De feito, “o propio Tomé dixo que non o ía incrementar para os Concellos pequenos durante os catro anos de mandato”.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
