Paloma Castro advirte que a normativa actual é “desfasada, ríxida e ineficaz, obstaculiza a toma de decisións, xera incerteza xurídica e impón cargas administrativas innecesarias”
Santiago de Compostela, 17 de outubro de 2025. A Comisión de Pesca do Parlamento aprobou hoxe unha proposición non de Lei do Grupo Socialista para reclamarlle á Xunta que aprobe un novo Decreto “único e integrador” que regule a pesca marítima profesional en Galicia. A parlamentaria socialista Paloma Castro advertiu que o sector está a traballar cunha normativa “desfasada, ríxida e ineficaz”, ademais de que “obstaculiza a toma de decisións, xera incerteza xurídica e impón cargas administrativas innecesarias”.
Reclamou unha nova normativa “que estea ao servizo da xente do mar, e non ao revés” e que “integre, simplifique e actualice a lexislación existente”, regulando a pesca marítima profesional de Galicia “de forma clara, sistemática e adaptada á realidade”, contando coa participación do sector. Sinalou ademais que a norma debe aplicar criterios de boa gobernanza, primando a “simplificación, necesidade, proporcionalidade, eficacia, eficiencia, transparencia e seguridade xurídica”.
Advertiu que a realidade actual evidencia “unha gran dispersión normativa, con múltiples decretos e ordes que regulan aspectos esenciais da actividade pesqueira, como as artes e aparellos, o rexistro de buques, os permisos de explotación, ou a alternancia de artes. Estes “carecen en moitas ocasións da coordinación necesaria e a adaptación axeitada á normativa comunitaria, estatal ou mesmo á propia Lei de pesca de Galicia”, dixo.
Castro puxo como exemplo o Decreto de artes e aparellos de 2011, que a Xunta prometeu renovar dende 2014, pero “estamos en 2025 e o único que permanece é o incumprimento dos compromisos” do goberno galego, que leva máis dunha década de “inacción”. Este Decreto segue actualmente en vigor “sen revisión algunha nin adaptación á normativa europea e estatal nin integración coas novas demandas do sector nin co desenvolvemento da Lei de Pesca de Galicia.
Texto da iniciativa aprobada hoxe:
“O Parlamento galego insta a Xunta de Galicia a que promova con carácter prioritario a elaboración dun novo decreto único e integrador que regule, de forma clara, sistemática e adaptada á realidade actual, o exercicio da pesca marítima profesional en Galicia, coa participación activa do sector e aplicando criterios de boa gobernanza”.
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este venres o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
O sábado tivo lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
