A IX Xornada Mundial dos Pobres, que se celebra este domingo, vén marcada por dous acontecementos que, se cabe, fana máis necesaria, énchena de sentido e permítena comprender no significado profético co que a instituíu o papa Francisco.
En primeiro lugar, a presentación hai uns días do Informe FOESSA de Cáritas Española, do que teremos moitas ocasións de falar. A este informe seguirá outro referido á nosa realidade concreta de Galicia, que tamén nos axudará moito. No devandito estudo, o máis prestixioso que se realiza en España, alértasenos de que a exclusión social está a agrandarse. O estado de benestar, no que tanto confiamos, lonxe de solucionar a fenda que separa a ricos e pobres, non consegue superala. Instalouse o que no informe denomínase “a sociedade do medo”, porque calquera factor sobrevindo e non esperado fai caer a moitas persoas e familias na exclusión social e a pobreza.
A clase media, que foi tan importante no noso país como factor de integración social, está a contraerse e a fractura social está a agrandarse seriamente. A realidade da vivenda está a converterse no epicentro da desigualdade, sendo quizais o problema social máis importante que temos que afrontar como país, en lugar da migración como se nos vende ideoloxicamente. No estudo fálase de amontoamento e de especulación inmobiliaria que dificulta a vida de tantas persoas. Tampouco o emprego, tan precario en tantas ocasións, está a servir para a necesaria integración.
Algúns colectivos sofren especialmente esta situación como as mulleres, os migrantes, as persoas que sofren situacións de enfermidade mental, a mocidade…
Xunto a este informe que vos convido a que coñezades, o papa León regalounos hai unhas semanas o seu primeiro documento maxisterial: Dilexi te (Ameite). Trátase dunha exhortación na que, seguindo o maxisterio do seu antecesor, convídanos a descubrir a importancia da caridade e a atención aos pobres como elemento central da nosa fe e da nosa vivencia cristiá.
Neste documento provócase a percibir a unidade que existe entre o amor a Cristo e a chamada para achegarnos aos pobres. A nosa relixión non é unha relixión descarnada que nos afaste da realidade, senón que, ao contrario, achéganos ás chagas e sufrimentos dos máis pobres que se converten en sacramento e signo do mesmo Cristo. A Sagrada Escritura e a historia da Igrexa son un exemplo vivo e unha constante chamada a vivir esta proximidade cara aos pobres, porque eles nos revelan o rostro mesmo de Deus.
Por isto, este ano ten máis sentido, se cabe, a celebración desta Xornada Mundial dos Pobres que, como sabedes, non trata de ser unha reflexión sobre as causas da pobreza, nin unha alegación en favor dos pobres. O que pretende é que, como cristiáns, e eu diría tamén, como humanos, nos acheguemos aos pobres, entendidos estes non unicamente no seu sentido económico, senón na multiplicidade de rostros que hoxe ten a pobreza: enfermidade, soidade, violencia, racismo, falta de dereitos, marxinación…Un achegamento que produce e procrea sempre esperanza.
Nunha sociedade do encontro e do coidado, á que nos chama o Informe FOESSA dialogar cun pobre, perder o tempo cunha persoa soa, acompañar a un ancián, visitar unha residencia ou un enfermo, acoller a un emigrante, dar os bos días e atoparse cunha persoa sen fogar, corrixir un mal comentario sobre un preso… fainos crecer como persoas e discípulos de Xesús. O papa León lémbranos que “os pobres non son unha distracción para a Igrexa, senón os irmáns e irmás máis amados. A Xornada Mundial dos Pobres quere lembrar ás nosas comunidades que os pobres están no centro de toda a acción pastoral, non só da súa dimensión caritativa, senón tamén do que a Igrexa celebra e anuncia”.
Oxalá que este Ano Xubilar axude a desenvolver políticas que combatan as antigas e as novas formas de pobreza e que fomente iniciativas de apoio e encontro cos pobres da nosa sociedade para que nos fagan máis humanos e máis cristiáns.
O voso irmán e amigo,
Fernando García Cadiñanos
Bispo de Mondoñedo-Ferrol
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
