Mondoñedo, 29 de novembro, 2025. A Hostelería de Mondoñedo organiza a XVIII Ruta de Tapas… e algo máis!, unha cita que regresa renovada e con máis días para desfrutar da gastronomía local. Do 21 ao 30 de novembro, Mondoñedo converterase nun espazo para saborear, descubrir e compartir.
Unha edición renovada: do concurso á ruta gastronómica
Este ano, o tradicional concurso deixa paso a unha ruta aberta, deseñada para poñer no centro ao público e favorecer que cada establecemento poida ofrecer a súa tapa con liberdade plena de creación, horario e prezo.
10 establecementos participantes
Forman parte desta edición:
A Taberna do Valeco
Cervecería Abadía
Confitería La Alianza
Faragullas
Taberna Galiana
Palique
O Petisco
Porriño
Rincón de Mondoñedo
A Sala (ocio nocturno)
Cada un ofrecerá unha tapa exclusiva, creada especialmente para a Ruta. O local de ocio nocturno ofrecerá promocións.
Cartel con QR e trípticos informativos
O cartel oficial incorpora un código QR que se activará o día 20 de novembro. Nel poderá consultarse:
Listaxe de establecementos
Nome e fotografía de cada tapa
Descrición da elaboración
Horario de servizo
Prezo
Tamén se repartirán trípticos de man coa mesma información, incluíndo un espazo para selos, que permitirá aos clientes seguir o seu percorrido pola Ruta.
Premios para o público: o protagonismo é dos clientes
Os organizadores queren que nesta edición sexan os clientes os verdadeiros protagonistas, premiando a súa participación na Ruta.
As persoas que completen o tríptico poderán optar a:
Lote-agasallo de 75 € → completando o 80% dos selos
Lote-agasallo de 150 € → completando o 100% dos selos
Os lotes-agasallo están elaborados grazas á colaboración de todos os establecementos participantes e tamén de Distribuciones DEO, Distribuciones Carreiras, Distribuciones Perlora e Estrella Galicia.
Colaboración especial da Imprenta Mancebo
A histórica Imprenta Mancebo de Mondoñedo participa activamente nesta edición, entregando cuncas conmemorativas que se poderán recoller ata fin de existencias, tras selar 6 cupóns, na propia imprenta.
Remata Novembro tapeando en Mondoñedo
A XVIII Ruta de Tapas… e algo máis! reafírmase como un dos eventos máis destacados do outono en Mondoñedo, promovendo a unión do sector hostaleiro e ofrecendo ao público unha oportunidade única para descubrir a creatividade e o sabor da gastronomía local.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
