Os socialistas critican a “obsesión” do alcalde coa Deputación de Lugo, maila que investiu máis de 700.000 euros no concello en 2025
O Vicedo, 27 de novembro de 2025. O Grupo Municipal do PSdeG-PSOE do Vicedo denuncia que o pleno celebrado onte volveu evidenciar a forma de gobernar do alcalde do Vicedo: “Unha actitude autoritaria, unha ausencia total de planificación cara ao ano 2026, e unha constante e improdutiva obsesión coa Deputación de Lugo, mesmo cando é esta institución a que máis está a investir no concello”.
O PSdeG defendeu dúas mocións. A primeira, sobre Palestina, desde unha perspectiva humanitaria e institucional, foi emendada automaticamente polo alcalde, evitando un debate serio e rigoroso.
A segunda moción, destinada a instar á Xunta de Galicia a ter en conta ao Vicedo, reclamaba investimentos, planificación e atención ás necesidades reais do concello. A pesar de que finalmente aceptou instar á Xunta de Galicia, “o alcalde fixo esta aceptación envolta na súa xa coñecida obsesión coa Deputación de Lugo, desviando o foco dunha administración autonómica que apenas investiu no Vicedo en todo o ano 2025. Incluso cando se trata de reclamar ao seu propio partido político, o alcalde insiste en introducir á Deputación no debate, demostrando que a súa fixación pesa máis que a defensa real dos intereses do concello”.
O Grupo Municipal formulou varios rogos orientados a mellorar a xestión diaria: reclamouse información previa das actividades municipais, pediuse aumentar a frecuencia da recollida de enseres e solicitouse que os bandos municipais se publiquen tamén na sede electrónica.
Durante as preguntas, “quedou clara a falta absoluta de coordinación e control do goberno local. O alcalde non foi capaz de explicar ningunha actuación prevista para 2026, non deu respostas sobre o lavado dos contedores prometido, non detallou os criterios do anclaxe dos mesmos e evitou aclarar cal será a regulación das Vivendas de Uso Turístico. Chegou mesmo a non saber enumerar correctamente as parroquias do Vicedo, algo preocupante en quen debe tomar decisións sobre obras, investimentos e servizos en todo o municipio”.
Especial preocupación xerou a Modificación de Crédito, por máis de 300.000 euros, na que o alcalde “recoñeceu que non solicitou ningunha subvención para ningunha das actuacións, financiando todo con fondos propios procedentes do remanente de tesourería. A única excepción foi a Escola do Vilar, incluída tras serlle denegada a axuda solicitada á Xunta de Galicia”. Para o PSdeG, isto confirma un modelo de xestión sen planificación, sen previsión e sen aproveitar recursos externos.
“O noso concello merece un equipo de goberno centrado no Vicedo, na súa xente e nas súas necesidades reais; un goberno que planifique, que escoite, que revise a documentación que firma e que actúe con responsabilidade e respecto institucional polo futuro do municipio”.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
