A campaña incluirá actividades educativas, participación cidadá e accións de sensibilización para visibilizar e combater a violencia machista no día a día da sociedade vilalbesa
Vilalba, 19 de novembro de 2025. O Concello de Vilalba presentou hoxe a programación que levará a cabo con motivo do Día Internacional da Eliminación da Violencia contra a Muller, unha campaña que se desenvolverá baixo o lema “O teu machismo aquí non entra: péchalle as portas á violencia” e que busca levar a reflexión sobre a violencia machista ás aulas, ás rúas e ás conversas cotiás da veciñanza.
A alcaldesa e concelleira de Igualdade, Marta Rouco, destacou na presentación que “temos claro que a loita contra o machismo non pode limitarse a un día ao ano. É unha tarefa constante na que todos e todas debemos asumir o noso papel. Queremos que Vilalba fale do 25N, que o debata e que se implique, porque só así avanzaremos nunha sociedade máis xusta e libre de violencia”.
A programación arrancou o pasado luns, 17 de novembro, cunha charla sobre violencia sexual no IES Basanta Silva, a cuxa presentación asistiu a alcaldesa. As actividades continuarán durante toda a semana nos centros de educación primaria, onde o alumnado completará o lema da campaña respondendo á pregunta: “E ti, a que lle pechas a porta?”, un exercicio de reflexión e participación activa adaptado á súa idade.
O 24 de novembro terá lugar unha enquisa e un obradoiro no IES Santiago Basanta Silva, organizado coa colaboración da FEGAMP, que permitirá coñecer o nivel de sensibilización da mocidade vilalbesa en materia de igualdade de xénero. A maiores, do 24 ao 28 de novembro, animarase á cidadanía a enviar vídeos nos que expresen aquelas actitudes machistas ás que lles pechan a porta. As gravacións, en formato horizontal, deberán remitirse ao correo ax.igualdade@vilalba.es e servirán para elaborar un vídeo colectivo que se publicará nas redes sociais municipais.
Xa o 25 de novembro, ás 12:00 horas, terá lugar no templete da Praza da Constitución un acto participativo no que se elaborará unha pancarta colaborativa con achegas da veciñanza sobre comportamentos machistas presentes na sociedade. Ese mesmo día estrearase o vídeo oficial da campaña, que se está preparando en colaboración cos establecementos hostaleiros da vila. Durante a próxima semana, estes locais repartirán pousavasos co lema da campaña para acompañar as consumicións, co obxectivo de levar o debate ao ámbito cotián.
“Queremos que o 25N se vexa, se escoite e se fale. Que o compromiso de Vilalba contra a violencia machista estea tamén nos bares, nas escolas, na casa e na rúa. Só dende a implicación real e colectiva podemos avanzar cara a igualdade plena”, afirmou a rexedora vilalbesa, Marta Rouco.
A programación complétase os días 2 e 3 de decembro coa actividade “Lentes Violetas”, un obradoiro impartido pola Cooperativa Aventeira no IES Basanta Silva e no IES Lois Peña Novo, centrado en ofrecer ferramentas para identificar e cuestionar roles, mensaxes e actitudes discriminatorias presentes na vida cotiá.
Con esta campaña, o Concello de Vilalba reafirma o seu compromiso coa igualdade e coa loita contra a violencia machista a través da educación, da participación cidadá e da visibilización constante da problemática.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
