Ribadeo mellora os seus aparcadoiros

Ribadeo, 10 de novembro de 2025. Ribadeo mellora os seus aparcadoiros en colaboración coa Xunta de Galicia. Primeiro actuou nos situados en Daniel Cortezón, despois no do Ramón González e agora no de Rosalía de Castro.

O alcalde, Dani Vega, contou que “seguimos mellorando as nosas infraestruturas, e neste caso falamos dos aparcadoiros municipais, que non son de titularidade municipal, pero si que xestiona temporalmente o Concello. Temos que ser conscientes que non é fácil, non se lles pode aplicar aglomerado porque evidentemente o Concello non o pode facer, porque non son de titularidade propia, pero si que hai que facer un esforzo para mellorar estes aparcadoiros, porque realmente eran lameiros”.

O rexedor lembrou: “xa o dixemos, cando estabamos na oposición, que había que investir e buscar algunha solución. Qué fixemos? Primeiro, analizamos que material pode evitar, por exemplo, na avenida Rosalía de Castro, onde había unha nube de po por todos os sitios, que causaba problemas incluso nos comercios, na hostalería e, sendo conscientes e coñecedores desta problemática, aplicamos restos de aglomerado con zahorra e iso fai un compactado perfecto. Realizámolo na Avenida Rosalía de Castro, tamén en Daniel Cortezón e no aparcadoiro da rúa Ramón González”.

Vega dixo que “nestes tres empezamos a traballar e así paulatinamente iremos mellorando aqueles espazos onde consideramos que hai unha alta intensidade de vehículos aparcados e polo tanto debemos actuar. Somos coñecedores de que estes aparcadoiros son temporais e por iso estamos traballando na creación de espazos que sexan de titularidade municipal e poidamos facer xa aparcadoiros con rematado en aglomerado e iso é un firme mellor”.

O alcalde ribadense engadiu: “pouquiño a pouco o obxectivo é mellorar estes espazos temporais con este tipo de material, solo de restos de aglomerado con zahorra que evita eses lameiros que existían ou toda esa densidade de po, que por exemplo había en Rosalía de Castro. Esta inversión tamén en colaboración coa Xunta de Galicia fai que se melloren todos os aparcadoiros de Ribadeo”.