Trabada, 5 de novembro de 2025. O Concello de Trabada presenta un intenso programa de actividades para esta fin de semana con propostas para todos os públicos, que inclúen tradición, música e deporte ao aire libre. Ao longo dos días 7, 8 e 9 de novembro, a Praza do Concello e diferentes espazos do municipio converteranse en punto de encontro para a veciñanza e visitantes.
O alcalde de Trabada, Rubén García, destacou que “desde o Concello continuamos colaborando con asociacións e colectivos para impulsar actividades culturais, deportivas e festivas que dinamicen o noso municipio durante todo o ano e fomenten a participación da cidadanía”.
Venres 7 de novembro – Magosto popular
A partir das 21:00 horas, na Praza do Concello celebrarase o tradicional Magosto, organizado pola Asociación Cultural O Picato e coa colaboración do Concello de Trabada e do Motoclube A Cadeira, que se encargará do servizo de barra. Ofrecerase: Callos (10 €). Lacón asado (6 €). Empanada (3 €). Inclúe café e castañas gratis para todas as persoas asistentes.
A festa estará amenizada por Billy DJ e o cantante Luis Rey, e contará con carpa, mesas e sillas para garantir a comodidade aínda que o tempo non acompañe.
Sábado 8 de novembro – DJ Fest Trabada
A partir das 21:00 horas, tamén na Praza do Concello, terá lugar o DJ Fest Trabada, con actuacións de varios DJs convidados: Alejandro Martínez, SP The Sound Project, Litainer e Pedro Brmudz.
Entre as 21:00 e as 23:00 horas haberá pulpería e churrasco a cargo de Pulpería Suso. O evento desenvolverase baixo carpa climatizada.
Domingo 9 de novembro – Ruta do programa “Coñece Trabada”
Pecha a fin de semana unha actividade de sendeirismo coa ruta desde Vidal a Trabada, cun percorrido de 8,6 quilómetros e dificultade media.
Saída en autobús ás 11:00 horas desde a Praza do Concello. Prezo: 8 € por persoa (inclúe comida no pavillón de Trabada). Inscricións ata o 6 de novembro nas oficinas municipais ou no 982 135 011. É obrigatorio o uso de chaleco reflectante.
Rubén García subliñou que “actividades como estas axudan a poñer en valor o noso concello, dinamizan a economía local e reforzan o sentimento de comunidade”.
O Concello de Trabada invita a toda a veciñanza e persoas visitantes a participar e desfrutar desta fin de semana chea de tradición, música e natureza.
Unha comedia orientada para público adulto dirixida por Cándio Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
O distintivo, concedido por ADEAC, recoñece a excelencia ambiental e a xestión sostible do territorio.En 2026 o programa acada cifras récord, con máis de 1.200 km de sendeiros en 154 municipios. A senda franquía destaca pola súa calidade paisaxística e ambiental, ao unir Castello e Porcía a través de acantilados, praias e espazos de alto valor ecolóxico. Este recoñecemento reforza o compromiso de El Franco cun modelo que combina conservación, educación ambiental e turismo sostible, situando o concello na rede estatal de itinerarios de excelencia. A entrega oficial das bandeiras será o 6 de marzo no Castelo de Cullera.
Sinalaron que conta cunha Indicación Xeográfica Protexida con case 70 hectáreas cultivadas, 194 produtores e máis de 215.000 kg certificados en 2025, cun valor superior aos 430.000 euros. Tamén subliñaron que forma parte dos 36 selos de calidade de Galicia e que festas como esta dinamizan o rural e favorecen a venda directa entre produtores e consumidores.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
