Na iniciativa Galatea, que contou cunha achega económica de 40.000€, incluíronse obradoiros de comunicación, de administración, facturación electrónica, e de fotografía móbil e xestión de redes sociais, entre outras propostas
Lugo, 18 de decembro de 2025. A Asociación de Mulleres Empresarias da Provincia de Lugo (AELU) celebrou este xoves a xornada de peche coa que pon punto final ao programa Galatea, un proxecto que foi posible grazas á colaboración da Deputación de Lugo, que realizou unha achega económica de 40.000€. O acto que tivo lugar na Praza Maior de Lugo consistiu nunha mostra e sorteo de diferentes produtos a cargo das participantes neste programa.
Galatea é unha iniciativa de asesoramento na que 221 mulleres empresarias e emprendedoras da provincia participaron en diferentes obradoiros cos que puideron adquirir novos coñecementos e habilidades relacionadas co seu desenvolvemento e capacitación profesional. Durante o último trimestre do ano o proxecto incluíu accións formativas relacionadas coa administración e a facturación electrónica, na que as participantes afondaron na nova obrigación legal de facturación dixital, e un encontro coa periodista Mar Castro que lles trasladou as claves sobre comunicación de alto impacto.
A iniciativa incluíu tamén formacións sobre fotografía con dispositivos móbiles e xestión de redes sociais co obxectivo de dar, ás participantes, máis ferramentas para mellorar a comunicación dixital dos seus establecementos.
O Dúo Eclipse será o encargado de poñer a música nunha nova tarde-noite chea de ritmo, baile e bo ambiente no Guateque de Arruguiñas. A cita é este sábado, 28 de febreiro na Casa do Mar de San Cibrao ás 19:30 h. Ademais, o alumnado de 2º de Bacharelato, en colaboración coa Oficina de Voluntariado Xuvenil, ofrecerá bingo e chocolate para completar a festa. O evento conta tamén coa colaboración da Asociación de Xubilados Terramar.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
Neste espazo radiofónico, de 12 a 14 horas, Félix Jorquera falará coa directora do IES de Foz, Leticia Maseda, co coordinador do evento, José Ríos, así como con alumnado e profesorado participante e moi implicado nos Campionatos Internacionais de Baristas e Catas de Café, que estes días enchen Foz de xente e de aroma cafeteiro.
Os propietarios, Javier Montero e Tita Iglesias, recolleron o recoñecemento na Coruña, agradecendo o apoio da clientela, do seu equipo —formado integramente por mulleres— e da propia guía. O establecemento mantén esta recomendación desde 2021 e suma tamén un Sol Repsol, obtido en 2024 e renovado para 2026. O hotel restaurante Javier Montero abriu as súas portas en novembro de 2018.
Unha comedia orientada para público adulto dirixida por Cándido Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
