Unha programación completa con música, actividades infantís, propostas deportivas, tradicións e o festival Callo Fest para despedir o ano
Cervo, 5 de decembro do 2025. O Concello de Cervo vén de presentar o seu programa de Nadal, unha proposta ampla e diversa que combina tradición, cultura, deporte e diversión para todos os públicos.
Na presentación, na Plaza do Concello, participaron a alcaldesa, membros do equipo de goberno e representantes das asociacións que colaboran na organización das numerosas actividades previstas, reforzando unha vez máis o carácter participativo e comunitario que define ao noso Concello.
A alcaldesa destacou que “trátase dun programa variado, pensado para que todas as persoas, independentemente da súa idade, poidan atopar propostas para gozar destas festas. É tamén unha forma de dinamizar o noso concello, promover a convivencia e apoiar ao comercio e ao asociacionismo local, que son fundamentais para que Cervo siga medrando con forza”.
A programación comezará este sábado 6 de decembro coa elaboración dos Beléns de plastilina -ás 12:00 horas no Concello e ás 17:00 horas na Casa da Cultura- e co acendido do Belén feito con papel reciclado de xornal da Asociación de Mulleres de San Cibrao, que será ás 18:00 horas, na Casa do Mar.
O 13 de decembro celebrarase o Mercado de Nadal na Praza do Souto, organizado por Airiños do Xunco co apoio do Concello, e o 17 de decembro terá lugar o Día do Soci@ do CIT no local da asociación. Durante esas datas, Papá Noel e o seu Elfo visitarán centros educativos, a escola infantil, o CDR, e rúas do municipio en diferentes xornadas organizadas polo Concello de Cervo e tamén por diferentes asociacións do municipio.
O programa continuará con propostas moi variadas, como o Interactive Super Grid e a pista multiobstáculos para os días 20 e 21 de decembro, na Praza dos Campos, o Guategue Arruguiñas de Nadal o día 20 organizado polo Concello e a Asociación Terramar na Casa do Mar, a Visita de Papá Noel a Rúa o día 21 organizada pola Asociación de Veciños de Rúa en colaboración co Concello, e a Merenda e Visita de Papá Noel a Trasbar tamén o día 21 organizada pola Asociación de Veciños do Burgo de Trasbar, igualmente co apoio municipal.
Ese mesmo domingo, día 21 de decembro, terá lugar a tradicional Gala de Nadal, nesta ocasión no salón de actos do Concello, a partir das 19:30 horas, coa participación dos diferentes grupos musicais e de baile do Concello.
Os días 22, 23 e 24 desenvolveranse as actividades xuvenís do Tren de Nadal e o Downhill Rollerball, , e o día 23 celebrarase a festa acuática na piscina municipal. O 24 será a quenda do Noiteboa Infantil na Praza do Souto, organizado pola Fervenza de Sargadelos en colaboración co Concello.
Un dos pratos fortes da programación chegará o 26 de decembro co Callo Fest, organizado por Amigos da Troula co apoio do Concello de Cervo, que reunirá na Praza dos Campos a Aphonnic, Black Back Band, Not Yet e Until Dawn para ofrecer unha noite de música enérxica e bo ambiente. O tributo a AC/DC de Black Back Band será o prato forte dunha cita que recupera os tradicionais callos de balde e que incluirá o xa clásico ensaio das badaladas de fin de ano á media noite.
O día 27 o Mago Jorge representará o seu espectáculo Magicamente, no salón de actos da Casa do Mar, ás 19:00 horas.
Os días 29 e 30 haberá actividades xuvenís con sesións NERF, talleres de tatuaxes e de chapas, organizadas polo Concello na Praza do Souto; e o día 30 tamén se celebrará un novo Guategue de Arruguiñas no CDR que tamén desfrutará dunha representación teatral o día 28 de decembro pola mañá.
O 31 de decembro instalaranse as alfombras de baile na Praza dos Campos pola mañá e na Praza dos Souto á tarde; e tamén será o día da Carreira Popular San Silvestre – A Fume de Carozo, organizada por Fume de Carozo coa colaboración do Concello, que partirá ás 12:00 horas da Praza dos Campos. Esa mesma noite celebrarase a Xuntanza e brindis de Fin de Ano no local social de Trasbar, organizada pola Asociación Veciños do Burgo de Trasbar.
Xa en xaneiro, o día 3 haberá un espectáculo infantil na Praza dos Campos, ás 19:30 horas, e o 4 un show de maxia e un concerto para todos os públicos, na Praza do Souto, organizados polo Concello de Cervo en colaboración con Airiños do Xunco.
O día 5 celebraranse as tradicionais Cabalgatas de Reis: en San Cibrao, ás 18:00 horas organizada polo Concello e coa colaboración da Asociación de Mulleres de San Cibrao e a ANPA do CEIP Península da Paz, con remate e recepción real na carpa instalada na Praza dos Campos e chocolatada con biscoito caseiro e bocadillos de salchicha da man da asociación cultural Comisión de Festas de Lieiro; e en Cervo, a partir das 19:30 horas organizada por Airiños do Xunco en colaboración co Concello, cun percorrido polas rúas e chegada á Praza do Souto.
Como peche, o 25 de xaneiro celebrarase no pavillón do CEIP Península da Paz o Campionato de Kata e Exhibición Técnica, da Federación Galega de Karate e o departamento galego de Nihon Taijitusu, co apoio do Concello.
Ademais, haberá Brincos de Nadal, como actividade de conciliación, o día 27 de decembro, ás 12:00 horas, nas Escolas Vellas de Cervo, e ás 17:00 horas na Casa da Cultura; e tamén o día 2 e 3 de xaneiro, nos mesmo horarios e lugares.
O Concello de Cervo anima a toda a veciñanza e visitantes a participar activamente neste programa pensado para ofrecer alternativas de ocio variadas, de calidade e creadas para favorecer a convivencia e o espírito festivo que caracteriza estas datas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
