Ribadeo, 5 de decembro de 2025. O próximo mércores, 10 de decembro, coincidindo co Día Internacional dos Dereitos Humanos, Ribadeo contará cun espazo especial dedicado á diversidade, á empatía e á inclusión. A Asociación Guillem Veiga Iglesias instalará na sala de exposicións do Campo o stand Un Mar de Diversidade II, unha proposta aberta para que a cidadanía poida reflexionar e experimentar sobre como se constrúe unha sociedade máis xusta e accesible para todas as persoas.
A concelleira de Benestar Social, Elena Sierra, explica que “ao longo da mañá, quen se achegue poderá participar en experiencias interactivas que permiten comprender as barreiras que moitas persoas atopan no seu día a día e, ao mesmo tempo, descubrir a importancia de recoñecer e respectar as diferentes maneiras de ser, comunicarse e participar”.
Este stand forma parte do proxecto educativo Un Mar de Diversidade, que leva dous anos traballando nos centros da Mariña Lucense para promover valores como o respecto, a igualdade e a empatía desde as primeiras etapas. A iniciativa conta co apoio do programa FEMPA, a través do GALP A Mariña-Ortegal, e da Consellería do Mar.
A edil ribadense comentou que “este encontro en Ribadeo quere ser unha chamada á responsabilidade colectiva: lembrar que os Dereitos Humanos comezan no cotián, nas actitudes, nos espazos que compartimos e nas oportunidades que garantimos ou negamos. Desde o Concello de Ribadeo queremos animar á veciñanza a participar e a formar parte desta travesía que aposta por unha convivencia baseada no respecto e na dignidade de todas as persoas”.
O espazo dedicado á diversidade estará aberto en horario de 10:30 a 13:30 horas o vindeiro mércores, 10 de decembro, na sala de exposicións do Campo.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
