Burela, 27 de xaneiro de 2026. A Asociación Esperanza ten previsto celebrar un concerto benéfico con motivo do Día Mundial da Loita contra o Cancro. O concerto, que no presente ano chega á súa terceira edición, terá lugar o sábado 7 de febrero, a partires das oito da noite, na Casa da Cultura de Burela.
Durante o mesmo, actuarán os grupos musicais locais Toxo Guayaba e Blood Skeleton, así como alumnado de canto e danza da Escola de Inés Nécega de Foz. Pero o acto non se centrará exclusivamente na música. Realizarase un sorteo dun lote de peixe valorado en 250,00€ donado por ABSA, e ademáis entregarase unha doazón de 3.000,00€ ao proxecto Zebraglio 2020.
O proxecto Zebraglio 2020 é un proxecto de investigación, que se está a desenvolver no Hospital Lucus Augusti de Lugo (HULA), en colaboración coa Universidade de Santiago de Compostela (USC), sobre a aplicación de inmunoterapias e nanofármacos para tratar o glioblastoma, o tumor cerebral maligno máis frecuente, agresivo e mortal. En representación do proxecto, estarán no acto o mariñán Pedro Reimunde Figueira, neurocirurxián no Hula, e Pablo Cabezas Sainz, profesor da USC.
Toda a recadación do concerto, que será presentado por Pepe Capélan, presentador de programas na TVG e na Radio Galega, estará destinada a proxectos de investigación na loita contra o cancro. As entradas poderán mercarse nos establecementos asociados a ACIA Burela, en Cinza, na Confitería Méndez de O Valadouro ou contactando coa directiva de Esperanza. Tamén o mesmo día do evento na Casa da Cultura. O prezo da entrada é de cinco euros. Tamén se poñen á venda a cinco euros entradas da fila cero para aquelas personas que queiran facer un donativo.
Colaboran na celebración do evento, amáis do concello de Burela, ACIA Burela, ABSA, a Asociación da Hostalería de Burela e Logaidea Comunicación, colaboración que Esperanza agradece e recoñece.
A directiva de Esperanza indica que a finalidade do evento é dobre. Por un lado, téntase seguir afondando na sensibilización da cidadanía no compromiso de todos na loita contra o cancro; sensibilización cidadá que dende o colectivo ven que día a día vai en aumento. Por outro, dende Esperanza entenden que hai que axudar económicamente aos proxectos de investigación que se están levando a cabo, de aí este tipo de eventos para recadar fondos para logo trasladalos aos equipos investigadores.
A asociación está segura de que a resposta da veciñanza de Burela e da Mariña será dunha vez máis positiva, o que agradecen de antemán.
Unha comedia orientada para público adulto dirixida por Cándio Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
O distintivo, concedido por ADEAC, recoñece a excelencia ambiental e a xestión sostible do territorio.En 2026 o programa acada cifras récord, con máis de 1.200 km de sendeiros en 154 municipios. A senda franquía destaca pola súa calidade paisaxística e ambiental, ao unir Castello e Porcía a través de acantilados, praias e espazos de alto valor ecolóxico. Este recoñecemento reforza o compromiso de El Franco cun modelo que combina conservación, educación ambiental e turismo sostible, situando o concello na rede estatal de itinerarios de excelencia. A entrega oficial das bandeiras será o 6 de marzo no Castelo de Cullera.
Sinalaron que conta cunha Indicación Xeográfica Protexida con case 70 hectáreas cultivadas, 194 produtores e máis de 215.000 kg certificados en 2025, cun valor superior aos 430.000 euros. Tamén subliñaron que forma parte dos 36 selos de calidade de Galicia e que festas como esta dinamizan o rural e favorecen a venda directa entre produtores e consumidores.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
