Adxudicado tamén, por máis de 600.000€, a contratación para a adquisición de dúas retrocargadoras para o Parque Móbil necesarias para o mantemento das vías municipais en toda a provincia
Lugo, 2 de xaneiro de 2026. A Xunta de Goberno da Deputación de Lugo aprobou investimentos por máis de 1M€ para seguir mellorando a mobilidade e a calidade de vida dos veciños e veciñas da provincia. Estes actuacións permitirán renovar e acondicionar vías provinciais nos concellos de Lugo, Castro de Rei, Outeiro de Rei; así como camiños municipais no concello de Cervantes, e reforzar o equipamento do Parque Móbil provincial.
En canto as estradas provinciais, adxudicáronse os traballos de acondicionamento nos tres primeiros quilómetros da estrada LU-P-2902, que une Lugo con Ponte de Ombreiro, por un importe de case 211.000 euros a cargo de Explotaciones Gallegas SL. O tramo comprendido entre o inicio da vía e a estación potabilizadora de augas será obxecto de reapertura de cunetas, pavimentación con aglomerado en quente e sinalización horizontal, mellorando a conexión entre a zona das Saamasas e a parroquia de Ombreiro.
Entre Castro de Rei e Outeiro de Rei, a estrada LU-P-1107, que conecta Castro con Rábade, será acondicionada nun tramo de preto de nove quilómetros cun investimento de 163.600 euros, a cargo de Construcciones Carballeira SL. Os traballos inclúen tamén reapertura de cunetas, pavimentación e sinalización, beneficiando o acceso a equipamentos e espazos públicos como a Casa das Insuas.
Melloras de camiños municipais no Pandelo, Val de Horta e Lamas
A Xunta de Goberno sacou adiante un convenio de colaboración entre a Deputación e o concello de Cervantes para renovar accesos e camiños municipais en diferentes puntos no lugar do Pandelo, Val de Horta e Lamas, na parroquia cervantega de San Xiaio de Lamas. En todos os casos, os traballos consistirán na limpeza dos camiños, reapertura de cunetas e acondicionamento do firme. Unhas tarefas que mellorarán e garantirán a seguridade destas vías municipais moi transitadas por maquinaria agrícola que se desprazan ás explotacións gandeiras que hai na zona. O orzamento total ascende a case 50.000€, dos cales a institución provincial destina practicamente a cantidade íntegra aportando 48.400€ á entidade local que terá de prazo de execución dous meses para acometer os traballos.
Por outra banda, en materia de convenios a Deputación acordou destinar 23.900€ á Asociación Penitenciaria Concepción Arenal para desenvolver un programa de reinserción laboral baixo o título Preparando liberdades: programa de apoio á reinserción social de persoas con trastorno por consumo de sustancias, que busca a reinserción social e laboral de persoas con trastorno por consumo de substancias nos centros penitenciarios de Bonxe e Monterroso. O obxectivo é manter a abstinencia, mellorar o benestar persoal e preparar aos participantes para a súa integración social tras a saída da prisión.
Nova maquinaria para o Parque Móbil
Finalmente, a Deputación investirá máis de 600.000 euros na renovación da maquinaria do Parque Móbil para mellorar o mantemento das vías municipais en toda a provincia. Adxudicáronse unha pala de cadeas tipo Bulldozer con coitela frontal e ripper, así como dúas retrocargadoras novas, con prazo de entrega de 30 días. O contrato tamén inclúe a retirada de dúas palas cargadoras antigas. Esta actualización permitirá optimizar as obras de rehabilitación de estradas e facilitar os traballos en terreos complexos.
Será o sábado 26 de setembro de 20:00–22:30 no Palacio Santa Emilia de Mondoñedo. Entrada: 34,90 €, inclúe viño seleccionado e aperitivo.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
