O Deputado de Promoción Económica e Social participou este luns xunto ao Alcalde do municipio na presentación deste evento de montaña, que estrea por primeira vez a categoría Ultra cunha distancia de 58 quilómetros
Lugo, 26 de xaneiro de 2026. O Deputado de Promoción Económica e Social, Pablo Rivera Capón, participou este luns na presentación do IV Trail Terras de Burón que se celebrará este sábado 31 de xaneiro no municipio da Fonsagrada. Na presentación deste evento de montaña, que reunirá máis de 800 participantes, tamén asistiu o Alcalde da Fonsagrada e Deputado Provincial, Carlos López López, a presidenta do Club de Montaña Terras de Burón, Nuria Fernández Yáñez, así como outras autoridades, persoal técnico e membros do equipo directivo.
Rivera Capón destacou o esforzo “deste Club conformado por xente moza e unha ampla representación feminina” para a organización desta proba e recalcou tamén a estreita colaboración que mantén a institución provincial con esta entidade deportiva, á cal achega 5.000€ para as súas actividides. Así mesmo avanzou que o Trail Terras de Burón é xa un referente a nivel galego e nacional e destacou que “non só se trata dun importante reclamo deportivo, senón que tamén ten unha notable repercusión turística porque contribúe á dinamización económica e á proxección da comarca e da provincia de Lugo”.
Pola súa banda, Carlos López López puxo en valor a programación de actividades culturais e deportivas que se desenvolven na Fonsagrada “e que contan cunha gran participación de persoas que veñen de Galicia e de fora da comunidade”. Puxo tamén en valor a colaboración de todos os veciños e veciñas con citas coma estas, así como dos establecementos hostaleiros e hoteleiros.
Modalidades, distancias e servizos
Este ano haberá catro probas: unha andaina de 16 quilómetros con 800 metros de desnivel positivo; o Trailiño de 18 quilómetros e un desnivel positivo de 1.000 metros; o Trail das Seimeiras de 30 quilómetros e 1.650 metros de desnivel positivo; e, como novidade, o evento estrea a proba Ultra Terras de Burón con 58 quilómetros e 3.000 metros de desnivel positivo. Esta última foi a primeira en completar as inscricións, mentres que o resto de prazas cubríouse antes do Nadal, o que amosa a excelente acollida que ten este evento entre deportistas e afeccionados ao trail. A día de hoxe o período de inscricións está xa pechado.
Ao igual que en anteriores edicións habilitaranse zonas de avituallamentos con produtos típicos da Fonsagrada, gardarroupas, un servizo de gardería e unha zona de inchables para nenos e nenas, entre outras facilidades.
Unha comedia orientada para público adulto dirixida por Cándio Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
O distintivo, concedido por ADEAC, recoñece a excelencia ambiental e a xestión sostible do territorio.En 2026 o programa acada cifras récord, con máis de 1.200 km de sendeiros en 154 municipios. A senda franquía destaca pola súa calidade paisaxística e ambiental, ao unir Castello e Porcía a través de acantilados, praias e espazos de alto valor ecolóxico. Este recoñecemento reforza o compromiso de El Franco cun modelo que combina conservación, educación ambiental e turismo sostible, situando o concello na rede estatal de itinerarios de excelencia. A entrega oficial das bandeiras será o 6 de marzo no Castelo de Cullera.
Sinalaron que conta cunha Indicación Xeográfica Protexida con case 70 hectáreas cultivadas, 194 produtores e máis de 215.000 kg certificados en 2025, cun valor superior aos 430.000 euros. Tamén subliñaron que forma parte dos 36 selos de calidade de Galicia e que festas como esta dinamizan o rural e favorecen a venda directa entre produtores e consumidores.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
