Ribadeo, 19 de xaneiro, 2026. Acisa estará presente en FITUR 2026 coa súa nova marca turística, Ribadeo, o teu próximo destino, unha campaña coa que a entidade busca reforzar a promoción do municipio como destino de referencia. A presidenta da asociación, Carmen Cruzado, explicou que “chega unha nova edición da Feira Internacional de Turismo e, como non pode ser doutro xeito, Acisa estará presente durante tres días xunto ao Concello de Ribadeo”.
Cruzado lembrou que a entidade leva acudindo á feira desde case a súa fundación, hai 37 anos: “Somos a organización que representa ao sector turístico do municipio e a súa promoción forma parte da nosa labor fundacional. Buscamos dar visibilidade ao tecido comercial, hostaleiro e turístico de Ribadeo, establecer contactos profesionais, fortalecer relacións con outras entidades e coñecer de primeira man as novas tendencias do sector”.
O xerente de Acisa, Jesús Pérez, avanzou que a entidade presentará en Madrid a súa nova campaña turística para 2026, Ribadeo, tu próximo destino, acompañada da mensaxe: Porque cuando lo descubres, entiendes que no es solo un viaje: es una elección. Pérez destacou que o obxectivo é promocionar Ribadeo como un destino de gastronomía, comercio, natureza, historia e experiencias memorables. “No mundo hai moitos destinos, pero hai lugares que se lembran e outros que se senten. Ribadeo é horizonte aberto, é mar que fala, é unha vila con alma”, afirmou.
O xerente incidiu en que durante as xornadas profesionais farán especial fincapé en posicionar Ribadeo como un destino de experiencias reais, gastronomía de calidade, comercio local, cultura e tradición, ademais dun territorio de natureza que impresiona, con cantís, sendeiros, praias únicas e unha ría singular. “Queremos poñer en valor Ribadeo como un destino con identidade propia, porta de entrada a Galicia, cun carácter diferenciado e unha acollida sincera”, engadiu.
Pérez tamén avanzou que manterá encontros profesionais, asistirá a presentacións e actos institucionais e participará en iniciativas conxuntas co Concello, co obxectivo de reforzar a imaxe de Ribadeo como destino turístico de calidade. A delegación que viaxará a Madrid estará formada polo propio xerente, o alcalde Dani Vega e os concelleiros de Medio Ambiente e Turismo, Diego Dos Santos e Marta Saiz.
A presidenta de Acisa, Carmen Cruzado, subliñou que a colaboración público-privada é esencial para seguir posicionando Ribadeo como un destino sostible, competitivo e con identidade propia, capaz de atraer visitantes durante todo o ano e xerar actividade económica e emprego. Destacou ademais os avances na desestacionalización: “Rara é a fin de semana de tempada baixa na que non vexas turistas paseando polas rúas, saboreando a gastronomía ou gozando do comercio”. E concluíu lembrando que Ribadeo é un destino atractivo en calquera época do ano, cunha ampla oferta cultural, comercial e gastronómica e numerosas actividades impulsadas por Acisa.
Unha comedia orientada para público adulto dirixida por Cándio Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
O distintivo, concedido por ADEAC, recoñece a excelencia ambiental e a xestión sostible do territorio.En 2026 o programa acada cifras récord, con máis de 1.200 km de sendeiros en 154 municipios. A senda franquía destaca pola súa calidade paisaxística e ambiental, ao unir Castello e Porcía a través de acantilados, praias e espazos de alto valor ecolóxico. Este recoñecemento reforza o compromiso de El Franco cun modelo que combina conservación, educación ambiental e turismo sostible, situando o concello na rede estatal de itinerarios de excelencia. A entrega oficial das bandeiras será o 6 de marzo no Castelo de Cullera.
Sinalaron que conta cunha Indicación Xeográfica Protexida con case 70 hectáreas cultivadas, 194 produtores e máis de 215.000 kg certificados en 2025, cun valor superior aos 430.000 euros. Tamén subliñaron que forma parte dos 36 selos de calidade de Galicia e que festas como esta dinamizan o rural e favorecen a venda directa entre produtores e consumidores.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
