O Vicedo, 29 de xaneiro de 2026. O Grupo Municipal do PSdeG-PSOE no Concello do Vicedo participou no pleno ordinario do mércores 28 de xaneiro, no que a sesión comezou cunha proposta do equipo de goberno para denominar o pavillón municipal como “Jesús Bellas Kubala”, unha iniciativa coa que o PSdeG mostrou o seu total acordo.
Trátase dunha proposta apoiada por unanimidade, da que o grupo socialista se declarou orgulloso, ao considerar que supón un recoñecemento especial que quedará para sempre na historia do noso deporte, pasado, presente e futuro.
A continuación, o PSdeG do Vicedo defendeu de novo a moción para a gravación e difusión dos plenos municipais, unha medida básica de transparencia democrática. Porén, o equipo de goberno votou outra vez en contra, rexeitando unha proposta sinxela, asumible e xa implantada en numerosos concellos da contorna.
No mesmo pleno, o PSdeG levou tamén unha batería de rogos e preguntas centradas na necesidade dunha planificación municipal real para 2026, máis alá de actuacións puntuais, así como na mellora dos servizos básicos, reclamando investimentos en saneamento e actuacións en materia de seguridade viaria, especialmente na zona do Cacheiro.
Así mesmo, solicitouse reforzar os recursos para a atención de nenos e nenas con necesidades específicas, actualizar a páxina web municipal e proceder á revisión e reparación de elementos urbanos en mal estado que supoñen un risco para a veciñanza.
Dende o PSdeG do Vicedo reiterouse o compromiso cunha xestión responsable, planificada e transparente, defendendo un Concello aberto, accesible e centrado nas necesidades reais da veciñanza.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
