Os deputados populares no Congreso e concelleiras do goberno local mantiveron unha reunión de traballo con representantes de ACISA Ribadeo
Ribadeo, 8 de xaneiro de 2026. O deputado mariñán Jaime De Olano asegurou que “con Sánchez vivimos nunha España máis cara” e “nunha Galicia que sofre a súa traizón coa complicidade do PSdeG e o apoio incondicional do BNG a un Goberno plagado de corrupción, de casos de acoso a mulleres e que prexudica a Galicia”. Polo tanto, “PSdeG e BNG traizoan a Galicia, ás mulleres e á decencia. Só o PPdeG defende os intereses de Galicia e os galegos”.
Así se manifestaba tras coñecer o acordo de Sánchez con ERC para dirixir 4.700M€ máis a Cataluña condenando que “o Goberno de Sánchez avance na quita de débeda a Cataluña e no cambio de modelo de financiamento que beneficia a Cataluña en detrimento doutras Comunidades Autónomas coma Galicia”.
Á situación de escándalos e casos de corrupción e acoso que protagoniza o Goberno de Sánchez, hai que engadir “a asfixia económica aos españois” debido á suba de prezos e impostos. De feito, “a cesta da compra subiu máis dun 40% e cada español paga 3.500 euros máis en impostos dende que Sánchez é presidente do Goberno”.
REUNIÓNS DE TRABALLO CON AUTÓNOMOS DA PROVINCIA
A suba do custe da vida que sufrimos todos, afecta tamén a un dos sectores produtivos máis destacados da provincia como é o caso dos autónomos, que ascenden a 30.700 na provincia que favorecen a creación de oportunidades e xeran riqueza. Así o comprobaron os deputados do PP lucense no Congreso – Jaime De Olano, Francisco Conde e Cristina Abades- nun encontro de traballo con representantes de ACISA Ribadeo que -aglutina a 170 asociados- acompañados polas concelleiras do goberno local Begoña Sanjurjo e Marta Saiz.
Os representantes populares por Lugo no Congreso continúan “a rolda de contactos co sector despois de manter outras reunións na provincia e en Galicia -algunhas delas na Mariña- para coñecer de primeira man a súa situación actual e recoller as súas demandas” como a redución da burocracia, o problema de financiamento en casos de relevo, a necesidade de asesoramento á hora de emprender e, especialmente, a falta de persoal.
Así mesmo, aproveitaron para informar sobre algunhas das medidas propostas polo Partido Popular no seu Plan de Autónomos para “aliviar a presión fiscal”. De Olano, integrante do equipo redactor das propostas, explica que se trata de “valorar o traballo e esforzo dos autónomos”, polo que o PP aposta por “establecer menos trabas e máis apoios”.
Os populares advertiron que “España é o único país da UE que non aprobou a exención de declaracións do IVE para autónomos con ata 85.000€ de facturación, provocando unha perda de competitividade con respecto aos autónomos europeos”. Nese sentido, o Partido Popular propón a exención do pago do IVE aos autónomos que facturen menos de 85.000 euros ao ano, a tarifa 0 durante o primeiro ano de actividade -con posibilidade de amplialo a un segundo a menores de 35 anos ou con ingresos por debaixo do SMI- ou pasar de 4 declaracións trimestrais a 2 semestrais e unha única declaración anual para os novos emprendedores.
Outra das propostas do partido de Núñez Feijóo é que os autónomos que son, á vez, asalariados non coticen por enriba da base máxima en ningún caso. Entre as medidas do Plan de Autónomos do PP tamén se recollen facilidades para traballar despois da idade de xubilación ou exencións no pago das cotas por baixas de enfermidade grave, dous anos despois da maternidade ou paternidade, ademais de equiparar os dereitos de lactancia coas traballadores por conta allea. Igualmente, contempla clarificar e incrementar as deducións de gastos.
En relación ás cotizacións, De Olano lembrou que “os autónomos sufriron 10 subidas dende que goberna Sánchez”. E incide en que a suba prevista polo Goberno para este 2026 quedou suspendida “debido á presión do sector”.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
