Ribadeo, 21 de xaneiro de 2026. Ribadeo está presente desde hoxe en Fitur. O alcalde, Dani Vega, subliñou que este concello é un referente no turismo de calidade.
O rexedor dixo que “Ribadeo chega a Fitur cun traballo feito, cun turismo de calidade, que evidentemente non é unha cousa soamente deste goberno, senón que é de todas as Corporacións. Ribadeo con vida todo ano, é unha mensaxe clara, que Ribadeo non só é eses tres meses de actividade do verán, senón que durante todo ano vamos facendo cousas para ter unha programación atractiva e que acudan moitas persoas a Ribadeo”.
Vega declarou: “tamén facemos actividades para a xente da casa, para a xente de Ribadeo e dentro desa programación atractiva queremos explicarlle ao mundo que Ribadeo é esa pequena vila que ofrece moito, desde o patrimonio cultural, arquitectónico, o casco vello ou todos os elementos arquitectónicos con esa pegada indiana ou evidentemente todo o patrimonio da humanidade que temos en Ribadeo, non nos esquezamos do Camiño Norte o seu paso pola Capela das Virtudes”.
O alcalde ribadense tamén aludiu “a todo o que estamos facendo nas visitas teatralizadas, nas visitas guiadas, que o que quere é informar, facer pedagoxía do gran valor que ten Ribadeo e tamén, evidentemente, a pegada comercial, a pegada mariñeira, ao igual que todos os espazos naturais, os nosos areais, e aí temos unha icona importantísimo, que é a praia das Catedrais. Queremos seguir facendo toda a información, toda unha programación tamén para que Ribadeo, os veciños, pero todos os visitantes, coñezan a praia das Catedrais e con esas xeorrutas preparadas e programadas queremos darlle un valor ás Catedrais máis alá dunha entrada ou dunha visita. Queremos poñer a Ribadeo como un espazo dentro dun monumento natural, unha icona para Ribadeo que debemos saber aproveitar”.
Dani Vega lembrou que “desde 1999 lévase facendo unha programación en Fitur. Agradezo a todas as Corporacións ese traballo que fixeron para poñer en valor un monumento natural e que, grazas a el, tamén moitas persoas visiten Ribadeo”.
E subliñou que “toda a programación que ten Ribadeo de actividades, festivais, todo chega a Fitur para que as persoas dentro dos seus calendarios vacacionais escollan Ribadeo. En Ribadeo durante todo ano hai vida, durante todos os meses hai actividade e queremos agradecer tamén a moitos colectivos que grazas a eles Ribadeo crece, Ribadeo ten actividade e sen eles sería imposible. Grazas aos colectivos, grazas ás asociacións, tamén lle queremos dar as grazas á Xunta de Galicia, porque sería imposible ter toda esta programación, sen esa capacidade orzamentaria que ten a Xunta de colaboración con Ribadeo. E tamén grazas a toda a Concellería de Turismo, tanto a súa titular, Marta Saiz, como a todos os técnicos, por facer un bo traballo para que Ribadeo sexa xa un referente no turismo, no turismo de todo ano e no turismo de calidade”.
Ata Fitur viaxaron o alcalde, Dani Vega, e os concelleiros de Turismo e Medio Ambiente, Marta Saiz e Diego Dos Santos. Tamén esta presente na Feira Internacional de Turismo o xerente de Acisa, Jesús Pérez.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
