Un equipo da Embaixada desprazarase á localidade esta fin de semana para facilitar a inscrición presencial e o luns realizará tamén trámites de pasaporte
Burela, 19 de febreiro de 2026. Burela converterase esta fin de semana nun dos puntos habilitados en España para a actualización do censo electoral de Cabo Verde, un proceso necesario de cara ás eleccións lexislativas previstas para o 17 de maio e ás eleccións presidenciais convocadas para o 15 de novembro de 2026. Ademais, o luns 23 o equipo desprazado realizará trámites relacionados coa expedición e xestión de pasaportes no mesmo lugar.
Co obxectivo de facilitar a participación da cidadanía cabo-verdiana residente no exterior, unha delegación da Embaixada da República de Cabo Verde desprazarase á localidade para realizar de maneira presencial os trámites de inscrición e actualización censal, requisito imprescindible para poder exercer o dereito ao voto.
O operativo desenvolverase no Centro de Formación Ocupacional de Burela, situado na avenida Arcadio Pardiñas número 137, Entresuelo, durante o sábado 21 e o domingo 22, en horario continuado de 10.00 a 17.00 horas. A actuación enmárcase na campaña impulsada pola Comisión de Recenseamento Electoral de Cabo Verde en España para achegar este servizo ás comunidades residentes fóra do país e facilitar así a actualización dos rexistros electorais.
Segundo o comunicado oficial da Comisión de Recenseamento Electoral, poden inscribirse todas as persoas cidadás cabo-verdianas maiores de 18 anos na data das eleccións. Para completar o trámite deberán presentar o Cartón Nacional de Identificación ou o Billete de Identidade, así como o pasaporte cabo-verdiano, mesmo no caso de que estes documentos estean caducados.
Grazas ás xestións realizadas pola Concellería de Inmigración do Concello de Burela, o equipo desprazado permanecerá na vila o luns 23, entre as 10.00 e as 16.00 horas, para atender solicitudes relacionadas coa tramitación de pasaportes no mesmo lugar.
Será o sábado 26 de setembro de 20:00–22:30 no Palacio Santa Emilia de Mondoñedo. Entrada: 34,90 €, inclúe viño seleccionado e aperitivo.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
