Foz, 8 de febreiro, 2026. A asociación cultural A Pomba do Arco celebrará o domingo 15 de febreiro, ás 20:30 horas, no salón de actos do colexio Martínez Otero de Foz, unha nova edición do Touporroutou, un dos espectáculos clásicos do Entroido focego. A representación correrá a cargo do grupo Touporroutou Teatro e das pandeireteiras da Subela.
Chamamento á participación veciñal
A entidade organizadora anima a toda a veciñanza a colaborar coa actividade, achegando as súas coplas ás caixas distribuídas en diversos establecementos de Foz. Segundo indica a asociación, estas caixas están dispoñibles en: “Eskina”, “Anduriña”, “Urban”, “Muelle Bar”, “Cevexaría Augas Santas”, “Funcional”, “Happy Days”, “Pachán”, “Chapela”, “A Bolera”, “Casa Damián”, “Dandy” e “Xoiña”.
Nova vía de participación: envío por correo electrónico
Como novidade, A Pomba do Arco habilita tamén o correo apombadoarco@gmail.com para que quen o desexe poida enviar as súas composicións de maneira dixital.
A data límite para entregar as coplas nas caixas dos establecementos hostaleiros será o venres 13 de febreiro ás 20:00 horas.
Unha crónica satírica da vida local
A asociación lembra que o éxito e continuidade do Touporroutou depende da implicación da veciñanza. Por iso anima os focegos e focegas a elaborar coplas e cantigas sobre os temas que consideren de interese, co obxectivo de que o espectáculo volva ser unha auténtica crónica satírica da vida social de Foz ao longo do último ano.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas deste domingo. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
