O Concello de Burela felicita a Nuno Pico, Manolo Maseda, Breixo Llano, Santi Jul e Iván Laxe polas súas candidaturas
Burela, 4 de febreiro de 2026. O Concello de Burela traslada a súa felicitación aos creadores vencellados á vila que son candidatos aos Premios Mestre Mateo, os galardóns máis importantes do audiovisual galego, poñendo de manifesto unha vez máis o talento cultural que nace e medra en Burela.
Nuno Pico, membro do grupo Grande Amore, figura entre os candidatos aos Mestre Mateo na categoría de Mellor Videoclip polo da canción da súa banda “Ontes fun moi malo”, dirixido por Xaime Miranda e lanzado da man do selo Ernie Records.
O Concello felicita tamén ao burelao Breixo Llano, candidato a Mellor Realización polo seu traballo en ‘Cos Pés na Terra’, así como a Manolo Maseda, candidato a Mellor Documental como director de ‘Ao son da nova regueifa’.
Por último, Santi Jul e Iván Laxe, tamén de Burela, son candidatos ao premio Mellor Música Orixinal por ‘Bibopalula’, unha animación infantil que está ademais nominada a Mellor Serie de Televisión.
Dende o Concello de Burela quérese poñer en valor o labor destes creadores e o impacto positivo que este tipo de recoñecementos ten na visibilidade da cultura galega e no orgullo colectivo da veciñanza.
O Concello continuará apoiando e promovendo iniciativas culturais que acheguen á cidadanía o traballo dos e das creadoras locais, como a próxima proxección en Burela do documental ‘Ao son da nova regueifa’ e a representación da obra teatral ‘Territorio Regueifa’ no Auditorio Municipal o vindeiro 23 de maio.
Unha comedia orientada para público adulto dirixida por Cándio Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
O distintivo, concedido por ADEAC, recoñece a excelencia ambiental e a xestión sostible do territorio.En 2026 o programa acada cifras récord, con máis de 1.200 km de sendeiros en 154 municipios. A senda franquía destaca pola súa calidade paisaxística e ambiental, ao unir Castello e Porcía a través de acantilados, praias e espazos de alto valor ecolóxico. Este recoñecemento reforza o compromiso de El Franco cun modelo que combina conservación, educación ambiental e turismo sostible, situando o concello na rede estatal de itinerarios de excelencia. A entrega oficial das bandeiras será o 6 de marzo no Castelo de Cullera.
Sinalaron que conta cunha Indicación Xeográfica Protexida con case 70 hectáreas cultivadas, 194 produtores e máis de 215.000 kg certificados en 2025, cun valor superior aos 430.000 euros. Tamén subliñaron que forma parte dos 36 selos de calidade de Galicia e que festas como esta dinamizan o rural e favorecen a venda directa entre produtores e consumidores.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
