Reunirá a preto de 200 nadadores e nadadoras de arredor de 30 clubs galegos
Cervo, febreiro do 2026. O Concello de Cervo acollerá os días 21 e 22 de febreiro a celebración do Campionato Galego Infantil de Natación, proba integrada no calendario oficial da Federación Galega de Natación e considerada unha das citas máis relevantes no ámbito autonómico das categorías base.
O evento, que se desenvolverá na Piscina Municipal Olímpica, reunirá a preto de 200 nadadores e nadadoras pertencentes a arredor de trinta clubs de distintos puntos da Comunidade Autónoma. A competición estruturarase en catro sesións, desde as 10:00 horas, en horario de mañá e desde as 17:00 horas, en horario de tarde, ao longo da fin de semana.
A organización vai da man da Federación Galega de Natación e ao Club Natación Xove, co apoio do Concello de Cervo, do Concello de Xove e da Xunta de Galicia, nun marco de cooperación interadministrativa que pon de manifesto o compromiso compartido co fomento do deporte base e coa promoción de iniciativas deportivas de ámbito autonómico na comarca da Mariña, neste caso no noso Concello.
A presentación oficial do campionato tivo lugar nas instalacións municipais de Lieiro, coa participación da alcaldesa de Cervo, Dolores García Caramés; do concelleiro de Deportes, David Rodríguez; do presidente da Federación Galega de Natación, Juan Carlos Brión; do alcalde de Xove, Demetrio Salgueiro; e do presidente do Club Natación Xove, Alberto Pigueiras.
Durante o acto, a alcaldesa destacou a importancia de continuar reforzando o apoio institucional ao deporte formativo, así como de consolidar sinerxías entre administracións e entidades deportivas que permitan atraer ao municipio competicións de relevancia autonómica. Do mesmo xeito, subliñou que a celebración deste campionato contribúe a reafirmar a Piscina Municipal Olímpica como unha infraestrutura deportiva de referencia, como escenario perfecto para acoller eventos oficiais de alto nivel, tanto a nivel organizativo como técnico.
A previsión de asistencia de deportistas, persoal técnico e acompañantes suporá, ademais, un impulso para a dinamización económica do municipio durante a fin de semana, con incidencia moi positiva nos sectores da hostalaría, comercio e servizos do municipio.
Unha comedia orientada para público adulto dirixida por Cándio Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
O distintivo, concedido por ADEAC, recoñece a excelencia ambiental e a xestión sostible do territorio.En 2026 o programa acada cifras récord, con máis de 1.200 km de sendeiros en 154 municipios. A senda franquía destaca pola súa calidade paisaxística e ambiental, ao unir Castello e Porcía a través de acantilados, praias e espazos de alto valor ecolóxico. Este recoñecemento reforza o compromiso de El Franco cun modelo que combina conservación, educación ambiental e turismo sostible, situando o concello na rede estatal de itinerarios de excelencia. A entrega oficial das bandeiras será o 6 de marzo no Castelo de Cullera.
Sinalaron que conta cunha Indicación Xeográfica Protexida con case 70 hectáreas cultivadas, 194 produtores e máis de 215.000 kg certificados en 2025, cun valor superior aos 430.000 euros. Tamén subliñaron que forma parte dos 36 selos de calidade de Galicia e que festas como esta dinamizan o rural e favorecen a venda directa entre produtores e consumidores.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
