Burela, 4 de abril, 2026. O Burela FS comezou o encontro cun ritmo moi alto, xerando perigo desde os primeiros minutos. No 3’, Ana Eliza evitou o primeiro tanto madrileño cunha gran intervención ante un disparo de Vane Sotelo á escuadra, seguida dun novo tiro de Laura no minuto 4. O Alcorcón respondeu con varias transicións perigosas, pero a gardameta brasileira mantivo o marcador a cero.
Co paso dos minutos, o Burela asentouse no partido e acumulou chegadas claras durante o último tramo da primeira parte, instalándose durante longos períodos na área rival.
Segunda parte: emoción, paradas decisivas e dous goles
Tras o descanso, o Alcorcón volveu avisar cun tiro que Ana Eliza desviou co pé. No 25’, Aida de Miguel obrigou de novo á porteira laranxa a enviar o balón a córner. O premio para o Burela chegou no 1-0: un lanzamento directo de falta de Silvia Rubal, que superou a barreira e entrou entre as pernas da gardameta visitante.
O Alcorcón buscou o empate con insistencia. No 29’, Ana Eliza evitou o gol nun remate de Laura ao pau, e no 31’ a xogadora madrileña volveu estrelala contra a madeira. A porteira do Burela realizou dúas intervencións espectaculares no 32’, pero finalmente o empate chegou no 34’, obra de Vane Sotelo, que superou a Cris Blanco tras unha asistencia de cabeza de Laura.
O tramo final foi frenético. Lara probou fortuna no 35’ e no 36’, pero Ari respondeu con dúas boas paradas. No 37’, Ana Eliza volveu aparecer ante Laura, e Clau López rozou o gol no 39’ cun potente disparo que saíu fóra.
A un minuto do final, Ari viu a tarxeta vermella por unha dura entrada sobre Lara fóra da área. Valeria entrou para defender a portería do Alcorcón e Belén Feal pediu tempo morto para preparar a xogada. O conxunto madrileño apostou polo xogo de cinco con Vane Sotelo como porteira-xogadora, pero o Burela resistiu. Tania Benito tivo unha ocasión clara a 35 segundos do final, e Silvia Rubal enviou por riba do traveseiro o último intento do partido a só dous segundos da bucina.
Ficha Técnica Reyco Burela FS 1-1 Arriva AD Alcorcón
Reyco Burela FS (1): Ana Eliza; Cris Blanco, Laura Barranco, Sandra, Irene -quinteto inicial-, Sandra, Gabi, Silvia Rubal (C), Lari, Macarena.
Arriva AD Alcorcón (1): Ari; Laura, Clau López, Vane Sotelo, María Barcelona –quinteto inicial-, Aida de Miguel, Tania Benito, Laura Ajenjo, Ici, Valeria (P)
Goles: 1-0, min. 28: Silvia Rubal. 1-1, min. 34: Vane Sotelo.
Árbitros: Marco Noya // Roberto Amor // Berta García. Por parte do Reyco Burela FS viron a tarxeta amarela Silvia Rubal (19’) e Gabi (25’) por parte do Arriva AD Alcorcón Laura (39’) e Raul Castro (40’). Veu a tarxeta vermella Ari (39’).
Incidencias: Partido correspondente á xornada 23 de 1ª División Iberdrola FS disputado no pavillón municipal Vista Alegre de Burela.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O acto celebrarase este venres 4 de setembro ás 20:30 horas na sala de exposicións. Servirase un viño e un pequeno petisco. A mostra permanecerá aberta ao público ata o 4 de novembro.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
