Foz, 8 de abril de 2026. “Nunha nova entrega das notas de prensa diarias das últimas dúas semanas do PP de Foz, esta vez esixe a revisión da ponte de Ollo do mar, no paseo marítimo, xa que había unha varanda solta. En lugar de avisar ao Concello, envía unha nota de prensa, débelle parecer máis operativo”, explica a primeira tenente de alcalde, Inés López Couto, que engade: “menos mal que o martes os axentes da Policía Local e operarios da brigada de obras xa acudiron ao lugar para revisar o estado da ponte e na mañá deste mércores xa quedou arranxada a varanda que tiña esta incidencia. Porque o Concello tenta solucionar os problemas graves en canto ten coñecemento deles, non así Portos de Galicia, xa que durante esta pasada Semana Santa a Policía Local deu aviso dunhas táboas soltas no paseo da Praza Conde de Fontao que provocaron unha caída. Esta pasarela que pertencente á entidade autonómica, tivo que ser arranxada polo Concello, despois de non se enviase a ninguén a solucionalo. Son varias as ocasións nas que se lle solicitou a Portos que substitúa as táboas, vigas e demais elementos da pasarela de madeira por estar en mal estado, pero continúa igual e sen o mantemento debido pola súa parte. Disto o portavoz do Partido Popular non di nada, supoño que porque se depende duns ou doutros interesa estendelo ou non”.
Inés López Couto tamén aclara que “en canto ao paseo de Cangas, este goberno tómase moi en serio os perigos reais para a cidadanía, e este paseo despois dos desprendementos ocorridos é unha zona moi perigosa. Púxose en coñecemento de Costas dende o inicio, fixéronse estudos e xa en outubro de 2025 se publicou no BOE o proxecto a instancias do Concello de Foz. Mentres non se executa a solución debida non se debe transitar por unha zona na que hai un perigo real e pode seguir habendo desprendementos, polo que o Concello, despois de poñer avisos e en colaboración coa Garda Civil, decidiu pechar a zona de forma máis estable, xa que non se estaban a respectar os avisos de non circular. Durante esta Semana Santa ocorreron actos vandálicos nos que se arrincaron os novos postes colocados, polo que este luns procedeuse a un novo peche con sinalización. Parécenos indecente que a oposición en lugar de chamar ao civismo e remarcar a mensaxe dun perigo real para a cidadanía opte por unha mensaxe tan pouco ética”.
A primeira tenente de alcalde engade: “entendemos este modus operandi do PP é o mesmo que aplicaban no goberno, moito ruído e poucas noces. Non traen nada, non conseguen nada e, o peor, cando ven un perigo non son capaces nin de avisar para que se solucione. Despois do gravísimo accidente ocorrido en Santander deben tomarse as cousas máis en serio e non tentar facer un circo delas. Realmente hai que ter moito tempo libre para mandar unha nota de prensa diaria e á vez moitas ganas de facérllelo perder aos demais para que teñamos que desmentir continuamente falsidades e desinformacións. Agardamos a nova entrega”.
A organización, a cargo da Asociación R.C.M. Amigos de Monte Castelo, abrirá a venda de parcelas os días 21 e 22, en horario de 18:30 a 20:30, primeiro para confirmar as reservas do ano anterior e despois para repartir as libres. O venres terá lugar a misa na igrexa de Vila do Medio ás 20:00 e, xa pola noite, a actuación do grupo Pekados e o DJ Balbi. O sábado comezará coa sesión vermú a cargo de SP The Sound Project, seguida do concurso de disfraces, xogos infantís, tardeo con DJ Pepu, bingo musical con Marisa Prisa e unha verbena con Pantera Rosa e Gin Toni’s. O domingo celebrarase a misa e procesión en honra á Nosa Señora das Marabillas ás 13:00, e a sesión vermú correrá a cargo do dúo Épok. A romaría conta coa colaboración do Concello de Burela, ABSA e Ledicia, ademais de numerosos establecementos locais.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
