Viveiro, 26 de maio, 2026. Viveiro celebrará o Premio Comercio Dinamización 2025 coa súa gran “Festa do Comercio”, unha xornada con actividades para toda a familia e un sorteo final de 1.200 euros, ademais doutros tres premios de 100 euros cada un.
A entrega de rifas comezou o 4 de maio, momento no que o Centro Comercial Histórico de Viveiro (CCHV) xa adiantara que preparaba unha celebración especial para conmemorar este recoñecemento autonómico.
Actividades durante a tarde do 30 de maio
As rúas de Viveiro converteranse nun espazo de encontro para veciñanza, visitantes e comerciantes, cunha programación pensada para todos os públicos:
Desde as 17:00 h:
Inchables infantís
Xogos de feira
Carriño de palomitas
Sala Multiusos (19:00–20:30 h):
Talleres infantís de pintura e papiroflexia
Animación musical:
A charanga Santa Compaña percorrerá as rúas durante a tarde
Actuación final ás 20:30 h na Praza Maior
As entradas para as actividades infantís poderán recollerse na carpa da Praza Maior desde as 17:00 h, entregando tickets de compra por importe de 20 € en negocios asociados (válidos do 26 ao 30 de maio).
Sorteo final: 1.200 € e tres premios de 100 €
O gran atractivo da xornada será o sorteo da “Extra de Verán”, dotado con 1.200 euros. Ademais, sortearanse tres premios adicionais de 100 euros.
O CCHV está a repartir 150.000 rifas entre os negocios asociados desde o 4 de maio.
O día 30 habilitarase unha urna na Praza Maior entre as 17:00 e as 21:00 h para depositar as rifas. O sorteo celebrarase ás 21:15 h, conducido polo actor, locutor e humorista viveirense Carlos Jiménez. No acto participarán tamén o director xeral de Comercio, Gabriel Alén Castro, a alcaldesa de Viveiro, Mariña Gueimunde, e membros da corporación municipal.
1º Concurso de Miniburguers do CCHV
O venres 29 e o sábado 30 celebrarase o 1º Concurso de Miniburguers, no que participan sete locais de hostalaría:
Muro Restaurante – Miniburguer de pulled pork
Vinoteca Los Leones – Miniburguer con porco celta, rulo de cabra e cebola caramelizada
Cornelius – CorneBurguer con ternera, papada, chutney de mango e cebola crocante
La Tortilla Maravilla – TortiBurguer con tortilla de patacas e cebola
Casa Pepi – Miniburguer de carrilleiras
Bar A Zapatería – Miniburguer caramelizada de ternera
Mesón A Ría – Miniburguer de porco celta
As miniburguers poderán degustarse a mediodía e pola noite a un prezo de 4 €.
A clientela será quen elixa a mellor proposta votando na App ViveiroCCH mediante os códigos QR dispoñibles nos locais. O establecemento gañador recibirá a “Miniburguer Dourada”. Entre os votantes sortearase unha cea para dúas persoas.
Unha festa para dinamizar o comercio local
A directiva do CCHV destaca que esta iniciativa “non só promove o consumo no comercio de proximidade e na hostalaría local, senón que tamén reforza o carácter social e comunitario de Viveiro”.
O obxectivo é dinamizar datas comerciais relevantes, premiar a fidelidade da clientela e fortalecer o comercio local, coa colaboración da Xunta de Galicia a través dos programas de dinamización dos centros comerciais abertos.
As bases dos sorteos poden consultarse en www.viveirocentro.com, na App ViveiroCCH e nas redes sociais da asociación.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
