Ribadeo, 26 de maio, 2026. Mañá, 27 de maio, terá lugar a charla sobre relevo xeracional nos negocios, que organizan Acisa Ribadeo e o Polo de Emprendemento de Mondoñedo. A xornada estará centrada na transmisión de negocios e no relevo xeracional no comercio local. A actividade desenvolverase a partir das 20:15 horas na Casa da Cultura de Ribadeo e está dirixida tanto a empresarios e empresarias como a persoas emprendedoras interesadas en coñecer as oportunidades existentes neste ámbito.
A presidenta da Asociación de Comerciantes, Industriais, Servizos e Autónomos de Ribadeo, Carmen Cruzado, indicou que “baixo o título de Transmisión de negocios no comercio de Ribadeo, a iniciativa pretende converterse nun espazo de encontro, comunicación e intercambio de experiencias entre os nosos asociados e asociadas e persoas que estean valorando emprender ou dar continuidade a negocios xa existentes. O relevo xeracional é algo que nos preocupa, de aí a organización desta charla”.
E subliñou que “a charla está aberta a todo o mundo, tanto a quen se xubile en Ribadeo ou na contorna para que poidan coñecer cómo levar adiante ese proceso de xubilación que non implique o peche definitivo do seu negocio e tamén está destinada a aquelas persoas emprendedoras que estean pensando na posta en marcha dun negocio para poder facerse cargo dun que xa está en funcionamento. Parécenos moi importante e necesaria a asistencia a esta conferencia de mañá”.
O xerente do colectivo empresarial ribadense, Jesús Pérez, explicou que “durante a sesión abordarase a problemática da perda de actividade comercial derivada da falta de relevo xeracional, unha realidade que afecta a numerosos negocios de proximidade en toda Galicia e tamén na vila ribadense. Neste contexto explicaranse as diferentes axudas públicas dispoñibles para favorecer a transmisión empresarial, facendo especial fincapé no Bono Remuda, impulsado pola Xunta de Galicia. A xornada contará coa participación de representantes da Rede de Polos de Emprendemento. En concreto, Belén López Cayón, técnica do Polo de Mondoñedo, realizará unha presentación dos servizos e accións de apoio ao emprendemento impulsados pola rede autonómica. Posteriormente, Francisco Lago García, tamén técnico do Polo de Mondoñedo, explicará os detalles do Bono para a Remuda Xeracional e analizará os principais retos aos que se enfrontan os negocios xestionados por persoas próximas á xubilación”.
Cruzado Iglesias conta que “Jesús Pérez Prada será o encargado de presentar a actividade e de expoñer os servizos e accións que Acisa Ribadeo desenvolve en apoio ao comercio e ás empresas do municipio”.
Pérez Prada dixo que “será unha sesión moi interesante na que se falará moito de axudas, de apoios e de asesoramento”.
Dende a directiva e a xerencia de Acisa Ribadeo fan un chamamento especial “a todos aqueles negocios que teñan previsto xubilarse nos próximos meses ou anos, así como a persoas emprendedoras que poidan estar interesadas en iniciar unha actividade comercial, xa que a xornada pode servir para establecer contactos, coñecer oportunidades e explorar posibles alternativas que permitan evitar o peche de empresas e a perda de actividade económica na nosa vila”.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
