Na sesión plenaria, o Partido Popular compartiu “a preocupación polo estado da estación”, pero rexeitou a moción presentada polo PSOE
Vilalba, 29 de maio de 2026. O pleno municipal de Vilalba aprobou onte, cos votos a favor do PSOE, Vilalba Aberta e BNG, e o voto en contra do Partido Popular, unha moción impulsada polos socialistas en defensa dunha estación de autobuses digna.
O PP compartiu “a preocupación polo estado da estación”, que é titularidade da Xunta, e recoñeceu que “os veciños merecen unhas instalacións acorde o que é o noso pobo”, pero rexeitou a moción, pedíndolle ao concello que trasladara unha proposta de reforma á Xunta.
“Unha vez máis, o PP pon unha vez máis os intereses do partido por diante dos intereses da veciñanza”, asegurou Marta Rouco no pleno, lembrando que “a directora xeral de Mobilidade da Xunta coñece perfectamente o que pedimos desde hai máis de dous anos, que como mínimo é un lugar cuberto para agardar o autobús, uns paneis informativos e uns aseos”.
A moción presentada polo PSOE tiña o obxectivo de “fixar como posicionamento político do pleno da Corporación a necesidade de contar cunha estación de autobuses en perfectas condicións de mantemento”.
Despois de máis de dous anos de xestións por parte da alcaldesa, a moción también solicitaba “requerirlle á directora xeral de Mobilidade da Xunta, con carácter de urxencia, que remita resposta por escrito ao pleno sobre as actuacións ás que se compromete a Xunta en relación co estado da estación e a mobilidade en autobús na nosa vila”.
A situación actual da estación de autobuses “é dun completo abandono e desleixo por parte da Xunta de Galicia, administración titular e competente no mantemento desta infraestrutura”.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas deste domingo. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
