Ademais, quedaron aprobados tres convenios de colaboración cos concellos de Lourenzá, Burela e Ourol, por un importe conxunto de 800.000€ para a renovación de instalacións municipais culturais e deportivas e a promoción turística
Lugo, 29 de maio de 2026. A Xunta de Goberno da Deputación de Lugo aprobou este venres novos investimentos por un importe de preto de 1M€ para mellorar un total de once estradas provinciais que discorren polas comarcas da Mariña, Lugo e Ribeira Sacra. “Esta inversión permitirá seguir avanzando na mellora da rede viaria provincial en concellos como Ribadeo, Foz, Ourol, Ribas de Sil e Friol”, así o avanzou a Voceira Socialista do Goberno, Pilar García Porto, trala reunión semanal.
Concretamente, aprobouse a licitación de dous novos proxectos cun investimento de 500.000€ para mellorar oito vías provinciais ao seu paso polos concellos de Ribadeo e Foz. Pilar García Porto detallou que “imos mellorar a LU-P-5204, que vai de Cedofeita a Regocorto por Arante, en Ribadeo, cun orzamento de 216.000€ e actuarase nun treito de algo máis de 3 quilómetros dende o quilómetro 3,600 ao 6,770, cun prazo de execución de 4 meses”. As obras consistirán na reapertura de cunetas, a limpeza da drenaxe, a pavimentación con aglomerado en quente e a sinalización horizontal.
No caso de Foz, realizaranse varias actuacións en sete estradas provinciais da costa de Foz que conectan núcleos costeiros, zonas residenciais e accesos a praias como Llas ou Arealonga. O investimento é de case 250.000 euros e ten como obxectivo reforzar a seguridade viaria e mellorar a mobilidade nunha das zonas con maior afluencia turística da Mariña.
Concretamente, as obras afectarán as vías provincias LU-P-2001, LU-P-2002, LU-P-2006, LU-P-2007, LU-P-2009, LU-P-2011 e LU-P-2013.
O orzamento de licitación das actuacións é de case 250.000€ e un prazo de execución de 4 meses. Os traballos consistirán na limpeza de cunetas, e a pavimentación con aglomerado en quente e sinalización horizontal. Ademais, o proxecto inclúe a ampliación da beirarrúa na rúa Eduardo Pondal, para mellorar a seguridade peonil na contorna do centro escolar. “Trátase dunha actuación que permitirá mellorar unhas vías consideradas fundamentais na mobilidade deste do municipio mariñá e para o acceso ás zonas turísticas do litoral focense”, valorou a Voceira Socialista.
Tamén se adxudicaron obras de mellora por un importe conxunto de medio millón de euros. No concello de Ourol actuarase na LU-P-3807, que conecta Bravos e San Pantaleón ao seu paso por Foxo, cun investimento de 110.607,69 euros. A intervención abrangue un tramo de algo máis de tres quilómetros entre os puntos 6,510 e 9,543 e inclúe a reapertura de cunetas, reparación de danos e repavimentación.
En Ribas de Sil adxudicouse a mellora da LU-P-5301, cun investimento de 135.000 euros, nun tramo de case dous quilómetros entre os puntos 6,200 e 8,198. As obras permitirán completar a renovación desta vía que vertebra o municipio e conecta San Clodio co Alto da Cruz, incluíndo limpeza de cunetas, pavimentación e repintado da sinalización.
En Friol, investirase 275.000 euros na mellora da LU-P-2106, nun tramo de case once quilómetros que conecta o municipio co lugar de Lousada polo de Cimadevila, co que a estrada quedará practicamente renovada. Os traballos incluirán a reapertura de cunetas, reparación de danos, repavimentación e reposición da sinalización vertical.
“Estes novos investimentos demostran o noso compromiso coa mellora da rede viaria provincial. Traballamos en todas as estradas sen diferenzas políticas, atendendo unicamente ás necesidades reais de conservación, seguridade e mobilidade de cada municipio”, sinalou a Voceira Socialista do Goberno.
Colaboracións cos concellos de Lourenzá, Burela e Ourol
A Xunta de Goberno da Deputación aprobou tres convenios de colaboración cos concellos de Lourenzá, Burela e Ourol por un importe conxunto próximo aos 800.000 euros destinados á mellora de instalacións municipais e ao apoio de actividades culturais e turísticas.
En Lourenzá investiranse 150.000 euros na mellora da nave municipal do recinto feiral de Ponte de Cuñas. As actuacións inclúen a renovación da cuberta, a mellora dos cerramentos e do sistema de evacuación de augas pluviais para completar a posta en valor deste espazo multiusos.
No caso de Burela, destinará máis de 600.000 euros á renovación integral do campo de fútbol da Marosa. A actuación desenvolverase en dúas fases entre 2026 e 2027 e permitirá mellorar a estrutura, a cuberta, as gradas, os vestiarios e a accesibilidade dunha das principais instalacións deportivas do municipio.
Por último, a institución provincial colaborará co concello de Ourol cunha achega de máis de 20.700 euros para apoiar a celebración da décimo cuarta edición do Festival Aturuxo de Bravos, que terá lugar os días 17 e 18 de xullo e que se consolidou como unha referencia cultural e turística da comarca.
Listas de emprego e nova maquinaria para o Parque Móbil
Ademais, na reunión desta mañá aprobouse a convocatoria e bases para a creación de tres listas de emprego para técnico superior de informática FP, técnico de márketing e publicidade e oficial de oficios múltiples, destinadas a cubrir servizos temporais na institución provincial. Tamén se adxudicou o subministro dunha minipa cargadora compacta con cazo para o Parque Móbil da Deputación á empresa Epromext SL por un importe de 68.365 euros, co obxectivo de reforzar os traballos de mantemento e conservación da rede viaria provincial.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas deste domingo. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
