Ribadeo, 25 de maio de 2026. O responsable de UCIN Galicia, José Luis Calo, e o coordinador provincial de Lugo, Alfonso Hortas, denunciaron hoxe publicamente a preocupante falta de medios sanitarios e de resposta ante emerxencias na contorna da Praia das Catedrais, un dos enclaves turísticos máis visitados de Galicia.
Ambos representantes atopábanse esta domingo na cafetería situada xunto ao areal, apenas un día despois da presentación oficial da nova coordinación de UCIN Ribadeo, cando foron testemuñas directas dunha situación que cualifican de “grave e inaceptable”.
Segundo relatan, unha visitante de nacionalidade inglesa sufriu unha indisposición na zona de acceso á praia. O seu marido contactou de inmediato co 112, pero a asistencia sanitaria tardou arredor de 20 minutos en chegar, e fíxoo ademais nunha ambulancia non medicalizada.
A situación puido ser atendida inicialmente grazas á intervención dunha moza médica que se atopaba casualmente no lugar e que asistiu á afectada con medios moi limitados. Porén, a preocupación aumentou cando a ambulancia tivo que desprazarse posteriormente ata Ribadeo para recoller un médico, o que provocou unha nova espera de máis de media hora, mentres a muller permanecía tendida no chan e sendo atendida en condicións claramente insuficientes.
Tras interesarse polo ocorrido, responsables de UCIN recolleron tamén o testemuño de traballadores da zona, que alertaron da escaseza habitual de medios sanitarios na Praia das Catedrais, especialmente en días de grande afluencia turística.
Entre os feitos trasladados figura un episodio recente no que unha muller sufriu unha fractura grave nunha perna en pleno areal, tendo que ser evacuada a ombros por un particular ante a inexistencia dunha camilla operativa na zona.
Desde UCIN Lugo consideran que esta situación “non pode seguir producíndose nun dos espazos naturais máis visitados de España”, lembrando que en días como o de hoxe o enclave supera amplamente as 2.000 persoas visitantes.
Por este motivo, a formación municipalista reclama con urxencia:
A presenza permanente dunha ambulancia medicalizada durante a tempada alta e períodos de máxima afluencia.
O reforzo inmediato dos medios de emerxencias e atención sanitaria na contorna da praia.
A activación de protocolos específicos de actuación rápida e coordinada ante emerxencias médicas.
A dotación de equipamento básico de evacuación e primeiros auxilios.
“Estamos a falar de seguridade, saúde e capacidade de resposta nun lugar que recibe miles de visitantes cada día. Non se pode depender da casualidade ou da boa vontade de particulares para atender unha emerxencia”, sinalaron desde UCIN Lugo.
A formación insiste en que as administracións competentes deben actuar con responsabilidade e previsión para evitar que unha futura emerxencia poida ter consecuencias irreparables.
Os cortes de circulación aplicaranse desde as 12.15 horas ata a finalización da sesión vermú e, de novo, desde as 20.30 horas ata o remate das actividades festivas en ambas as dúas xornadas. O Concello agradece a comprensión da veciñanza e recomenda planificar os desprazamentos tendo en conta estas restricións temporais.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continúa o sábado, a partir das 19.00 horas, coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
As persoas asistentes poderán degustar a tradicional merluza de pincho preparada en diversas elaboracións, nun ambiente festivo que se completará con animación musical para gozar dunha noite de sabor, encontro e bo ambiente.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
