A Mariña, 11 de xuño, 2026. O proxecto XOGAL, impulsado polos GDR Terra Chá, Terras de Miranda, Montes e Vales Orientais e Miño Ulla en colaboración coa empresa galega Escapeo, inicia a súa segunda edición coa celebración da primeira das dez experiencias previstas para este verán.
A actividade inaugural terá lugar o sábado 13 de xuño ás 11:00 horas no conxunto histórico de Sargadelos, en Cervo, cunha proposta de escape room ao aire libre, aberta e gratuíta para toda a veciñanza e persoas visitantes.
Baixo o título “O legado de Sargadelos en Cervo”, a experiencia convidará ás persoas participantes a descubrir un dos capítulos máis destacados da historia industrial e cultural de Galicia:
“Entre cerámica, memoria industrial e natureza, Cervo agocha un dos legados máis singulares de Galicia. Atrévete a seguir as pistas de Sargadelos e descubrir unha historia marcada polo lume, a arte e a tradición.”
Ao longo do percorrido, os equipos deberán resolver enigmas, superar retos e atopar pistas relacionadas coa historia e o patrimonio de Sargadelos, co obxectivo de completar a aventura no menor tempo posible.
Ademais da experiencia de xogo, os equipos mellor clasificados poderán optar a premios en forma de experiencias turísticas e de lecer, mentres que todas as persoas participantes entrarán en sorteos organizados polo proxecto.
A inscrición é gratuíta e xa está dispoñible a través da ligazón: https://escapeo.com/xogal/
Para participar só é necesario dispor dun teléfono móbil con conexión a internet, batería suficiente e calzado cómodo. Non é preciso descargar ningunha aplicación, xa que o xogo funciona directamente desde o navegador web.
Unha vez celebrada esta primeira sesión, a experiencia permanecerá activa durante un mes, permitindo que veciñanza e visitantes poidan realizala ao seu ritmo e de forma totalmente gratuíta.
XOGAL é unha iniciativa que busca dinamizar o rural galego mediante a promoción cultural e turística baseada na gamificación, convertendo o territorio nun gran espazo de xogo onde patrimonio, historia, natureza e participación cidadá se unen para ofrecer unha nova forma de descubrir Galicia.
A edición de 2026 desenvolverase en dez concellos galegos: Cervo, Lourenzá, Guitiriz, Foz, Negueira de Muñiz, Meira, Monterroso, Taboada, A Fonsagrada e Castro de Rei.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
