A Mariña, 20 de febreiro de 2019. O vindeiro luns, 25 de febreiro, terá lugar en Foz no Cenima unha xornada informativa sobre as axudas e servizos destinados ás PEMES galegas. A cita está organizada pola Xunta, que conta coa colaboración da FCAM e do Concello focense.
A xornada será inaugurada polo alcalde de Foz, Javier Jorge Castiñeira, e de seguido desenvolverase a sesión na que se explicarán as liñas de apoio da Consellería de Economía, Emprego e Industria. Intervirán: Sol Vázquez Abeal, directora xeral de Comercio e Consumo; Juan Manuel Cividanes Roger, director xeral del IGAPE; Juan José Lirón Lago, subdirector xeral de Emprego; e Curro López Martínez, subdirector de información do IGAPE.
Ás 20:00 horas rematará a xornada informativa coas intervencións do alcalde de Foz, Javier Castiñeira; o delegado territorial da Xunta en Lugo, José Manuel Balseiro; e o conselleiro de Economía, Emprego e Industria da Xunta, Francisco Conde López. Acto seguido haberá un networking durante o cal os representantes da Consellería atenderán, de xeito individualizado, as consultas e dúbidas dos asistentes. Tamén se servirá un viño galego.
A FCAM anima ás empresas mariñás a asistir a esta cita o vindeiro luns, 25 de febreiro, en Foz.
ÚLTIMA HORA
- Esperanza incrementa ata 13.000 euros as axudas á investigación contra o cancro en 2026
- O Concello de Foz mellorará as xardineiras e as zonas axardinadas do municipio
- Burela presenta “Pascua con Gaia” con busca de ovos e obradoiros creativos
- Muras acollerá unha nova actividade de reciclaxe de plásticos tras superar a avaliación ambiental
- A Sacabeira, o café bar cultural de Sargadelos (Cervo), acolle a exposición 'Club de lectura pictórica(l): Vivir na Mariña', do artista Pedro Cabarcos Quintela
A mostra reúne unha ampla selección de obras inspiradas na vida, a paisaxe e a identidade mariñá. O acto inaugural celebrarase o domingo 29 de marzo ás 18:00 horas e contará cunha actuación especial da chelista Amanda López López. - O auditorio municipal Hernán Naval de Ribadeo encheuse o sábado 21 de marzo para gozar con A penúltima, o último espectáculo de Carlos Blanco, que conquistou ao público coa súa retranca habitual
O actor e humorista continuará a súa xira pola comarca e presentará esta mesma proposta en Burela o venres 27 de marzo, ás 21:00 horas, na Casa da Cultura. O monólogo combina imaxes e historias, con contidos novos e outros xa coñecidos, sempre cun humor moi persoal. A función está recomendada para maiores de 14 anos e as entradas, a 5 euros, poderán adquirirse no despacho de billetes desde unha hora antes. O evento conta coa colaboración do Concello de Burela, a Xunta de Galicia, a Agadic e a Rede Galega de Teatros e Auditorios. - O Faragullas de Mondoñedo, destacado pola Guía Repsol como Solete de primavera
A Guía Repsol destaca 24 locais galegos como Soletes de primavera para gozar nesta Semana Santa. Galicia suma xa 357 establecementos recoñecidos con este distintivo, que non se renova nin se revalida, senón que se concede como categoría única. Na provincia de Lugo figuran seis Soletes: ‘Caserío Meiroi’ (Navia de Suarna), ‘Ebos’ (Vilalba), ‘Faragullas’ (Mondoñedo), ‘La Salina’ (Sarria), ‘Ramón’ (Lugo) e ‘Trespés’ (Monforte de Lemos). - Máis de 130 veciñas súmanse ao Encontro de Mulleres de El Franco, que homenaxeou a Cristina Pérez Castaño
O acto institucional, celebrado este venres, contou coa participación da directora xeral de Igualdade do Principado e coa música de Clandestías. - O Concello de Viveiro informa á veciñanza que a avenida de Cervantes permanecerá cortada ao tráfico ata novo aviso con motivo dos traballos de arranxo do firme
Habilitarase o Rego das Flores. Desde o Concello recoméndase á cidadanía ter en conta esta incidencia nos seus desprazamentos mentres se manteña a restrición. - O delegado territorial da Xunta en Lugo, Javier Arias, mantivo unha xuntanza con Diego Campo, presidente da asociación cultural Fanto Fantini, que organiza o festival Osa do Mar, para avanzar nas vías de colaboración de cara á próxima edición.
A cita celebrarase en Burela entre os días 4 e 6 de setembro, e xa están confirmadas preto dunha ducia de actuacións, entre elas as de Arume, Depedro, Éxtasis, Gara Durán, Juventude o La Milagrosa. O Goberno galego vén cooperando cos organizadores do festival, “que alcanza a súa duodécima edición consolidado como un motor de dinamización económica y cultural para a localidade”, afirmou Arias. - O cantante e compositor asturiano Pipo Prendes actuará o venres 28 de marzo ás 20:30 h no Auditorio da Casa da Cultura de Tapia de Casariego
Será un concerto acústico e intimista, pensado para gozar da súa música nun formato próximo. Entrada libre ata completar aforo.
2021 Crónica 3 A Mariña - Implementado por GaliciaDigital