RIBADEO (FNC) .- O alcalde de Ribadeo, Fernando Suárez, califica demoi ambiciosa a oferta que Portos de Galicia lle plantexa a Ence para que a pasta de papel siga a saír desde o porto comercial ribadense. O rexedor e os portavoces municipais escoitaron esta mañá as explicacións que lles ofreceu no salón de plenos do Concello o presidente de Portos de Galicia, José Manuel Álvarez-Campana.
Suárez Barcia sinalou que “cando as cousas se plantexan ben e se prevén correctamente entendo que todos os grupos políticos debemos ser sensatos e neste caso, podo dicir que tanto no BNG, no PSOE, en UPRI e no PP, todos acreditamos e a todos nos pareceu moi boa esta proposta que Portos de Galicia lle acaba de enviar a Ence Navia”. O alcalde explicou que “se trata dunha proposta a cinco anos para que a pasta de papel siga a sair polo porto comercial de Ribadeo. Contempla baixadas nas tarifas que nalgúns casos superan o 50% e ten outros aspectos positivos como o dragado do canal de toda a ría a facer na segunda parte deste 2010 cunha inversión de preto de dous millóns de euros. Tamén inclúe unha ampliación da liña de atraque a base de reforzar a parte final do espigón, que xa da síntomas de que está un pouco esfarelado e que hai que reforzalo e con eso se pode ampliar para que en vez de haber tres barcos como hai agora, un deles cargando, poida haber dous cargando e dous en espera, é dicir un total de catro buques mercantes”.
O rexedor suliñou que “unha parte moi importante é a intención de buscar melloras operativas, melloras loxísticas como por exemplo esta proposta que ten o Concello enriba da mesa desde hai tempo para a crear a terminal de carga e descarga de Feve aquí ao pé do polígono industrial e conectado directamente co porto comercial de Ribadeo. En definitiva son varias as propostas que convertirían ao porto comercial de Ribadeo nun referente continental desde o punto de vista europeo”.
Fuxir de localismos
Fernando Suárez asegurou que “desde Ribadeo entendemos que a oferta que fai Portos de Galicia é moi ambiciosa, é das mellores que poidan estar enriba da mesa en calqueira aspecto. Non é unha oferta para coller flecos senón que se quere facer cuns mínimos de volume de carga de mercadorías e que é por un período de cinco anos e con este criterio Ribadeo volve ser un referente non só no propio concello senón na Mariña e sobre todo no Occidente asturiano”. O alcalde dixo que “moitas veces prodúcense discusións estériles das que eu quero fuxir sempre, das cuestións localistas si Galicia si Asturias si a ría de Ribadeo, etc, etc… o importante é que para o porto comercial de Ribadeo hai un montón de persoas que viven no Occidente asturiano e que a súa economía depende do tránsito de camións que teñen que vir a este porto comercial, e eso é algo que non debe escapárselle a ninguén. O feito de que a pasta de papel siga a estar aquí ou se incremente a carga de saída desde este porto redunda en beneficio de Ribadeo, pero redunda en beneficio do Occidente asturiano sen dúbida”.
Suárez Barcia aludiu ás declaracións efectuadas por Álvarez-Campana esta mañá “como ben di o presidente de Portos de Galicia, ainda que él sexa dunha cor política e nós sexamos doutra, cando as cousas se plantexan ben, entendo que é polo ben do porto de Ribadeo, polo ben da economía do concello no ámbito portuario e polo ben de moitas economías de escala da Mariña e do Occidente asturiano. É unha oferta que me parece moi ambiciosa e moi seria, a xulgar por como se está a recibir polos portavoces municipais e polos diferentes sectores vinculados co porto comercial de Ribadeo”.
Para participar, só é preciso realizar unha compra igual ou superior a 10 euros e rexistrar o tícket na web 
Trátasde dunha adaptación da novela de Neira Vilas no décimo aniversario da súa morte, dirixida por Cándido Pazó. 20.30 horas.
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
Solicítase á veciñanza que retire os vehículos estacionados nesta zona durante a mañá do martes, co fin de facilitar o desenvolvemento dos traballos. A Policía Local colocou o luns a sinalización informativa correspondente. Durante as actuacións poderán producirse cortes puntuais de circulación, procurando facilitar o acceso aos garaxes da zona. A duración dos traballos dependerá das condicións meteorolóxicas e da súa evolución. O Concello de Viveiro agradece a colaboración da veciñanza e desculpa as molestias que se poidan ocasionar.
A alcaldesa de Lourenzá, Rocío López, explica que foi “un encontro para compartir, aprender e lembrar a importancia da prevención, a detección precoz e a investigación. E, como símbolo de apoio, un lazo rosa ilumina a fachada da Casa do Concello e os donativos recollidos destinaranse integramente á AECC”.
Ribagorda visitou Ribadeo acompañado polo director xeral de Comercio, Gabriel Alén, nun percorrido polas principais rúas comerciais da vila, xunto ao xerente de ACISA, Jesús Pérez, e a concelleira de Comercio, Marta Saiz. Na Pontenova, o presidente da Asociación de Comerciantes, José Luis Balseiro, reuniuse tamén con Alén e Ribagorda. A campaña “De compras pola Mariña”, promovida pola FCAM e financiada por Comercio Galego e a Xunta de Galicia, difundirá varios vídeos nas redes sociais e na plataforma De las cosas del comer. Ribagorda percorreu estes días Foz, Lourenzá, Viveiro, Burela, Ribadeo e A Pontenova, achegándose ao comercio local e ao patrimonio natural e cultural da comarca.
O encontro principal terá lugar no comedor da carta o mércores 28 de outubro, ás 14:30 h. Ese mesmo día, ás 09:00 h, Jesús Manuel Blanco García, presidente da asociación micolóxica Os Bolouros, ofrecerá unha charla introdutoria para abrir a xornada.
