Foz, 7 de abril de 2019.- O candidato do PSOE á alcaldía de Foz, Francisco Cajoto, presentou este domingo a súa lista para as próximas eleccións municipais. Fíxoo nun acto no que participaron o Secretario Xeral do PSOE na Provincia de Lugo, Álvaro Santos Ramos, o Presidente da Deputación, Darío Campos Conde, a candidata socialista ao Congreso, Ana Prieto, e o Secretario da agrupación focense, José María Linares, xunto a Alcaldes, compañeiros e veciños do municipio mariñán.
Francisco Cajoto agradeceu aos integrantes da lista a súa valentía “porque non é doado tomar estas decisións”. Explicou que os socialistas presentan unha candidatura nova e dinámica, representativa do núcleo de Foz e das parroquias do rural. “Imos a traballar día e noite para cambiar a dinámica negativa na que ten sumido o Alcalde do PP a Foz”.
O socialista aproveitou para poñer en valor todo o traballo feito polos Alcaldes socialistas en Foz, “primeiro con Pepe Paz, logo con Martín Bertrán e despois con Pepe Barrela. Permitíronnos saír dunha crise económica na que estaba sumida o Concello e fixeron grandes investimentos, sobre todo para mellorar as infraestruturas. Foron, sen dúbida, os mellores anos de Foz, porque cando ao PSOE lle vai ben, aos focenses vailles ben”.
Cajoto subliñou que “se gañamos as próximas eleccións municipais presentaremos uns orzamentos realistas, cunha planificación das actuacións e priorizando a mellora das estradas, os alumeados, o saneamento e as traídas de auga no noso rural. Volveremos a ser un Concello transparente que ten en conta aos veciños nas decisións e non como agora, un goberno do PP hermético e inaccesible para a cidadanía. Queremos que todos os autónomos de Foz teñan as mesmas oportunidades para realizar obras no municipio e non como ocorre na actualidade. Impulsaremos que os servizos municipais sexan totalmente públicos e non subcontratados a empresas privadas como fai o señor Castiñeira debido á pésima xestión durante este mandato. Poremos no lugar que se merecen as nosas fermosas praias, representativas de Foz e que neste tempo de desgoberno do PP non se atenderon chegando a perder bandeiras azuis”.
“Eu tiven que marcharme fora porque aquí non había oportunidades e sei o difícil que é marchar da túa casa, da túa familia e da túa xente. Non quero que ningún veciño se vexa nesa situación e para iso imos a traballar os socialistas, para darlles aos focenses un futuro mellor. Faremos que os veciños estean orgullosos de ser de Foz e de vivir en Foz.”.
2 modelos contrapostos
Santos Ramos destacou que “os investimentos que traemos os socialistas ao Concello de Foz son reais e repercuten directamente no día a día dos nosos veciños a diferenza do que fai o Partido Popular, que non ofrece ningún novo investimento público aos nosos veciños nin dende o Concello nin dende a Xunta. O único proxecto que anunciaron para Foz é a dotación dunha depuradora que está sen executar. Ese é o modelo do PP, anunciar e prometer medidas que nunca se levan a cabo fronte ao do PSOE que fai posible que os fondos públicos cheguen a todos os cidadáns e verdadeiramente repercutan nas súas vidas. Fomos os socialistas os que rehabilitamos integralmente a N-642, fomos nós os que impulsamos o proxecto da A-74, fomos nós os que subimos as pensións que permiten que os veciños de Foz conte con 600.000 euros máis ao ano, sempre é o PSOE o que achegue investimentos. En 8 meses de goberno revitalizamos e puxemos en marcha servizos públicos básicos como a sanidade, a educación ou as infraestruturas que arrebatara o PP en 7 anos. E o que imos facer tamén en Foz con Francisco Cajoto á cabeza”.
O PSOE no Goberno da Deputación achegou máis de 2,7 millóns
Campos Conde puxo en valor os investimentos que os socialistas destinaron no Concello de Foz durante este mandato. “Distribuímos máis de 2,7 millóns en base a criterios obxectivos porque a diferenza da Xunta, nós traballamos para todos os cidadáns independentemente de quen goberne e da súa cor política. Grazas a estes cartos Foz hoxe ten alumeados públicos, traídas de auga, saneamentos, camiños e accesos arranxados e pode atender aos seus maiores. En cambio a Xunta de Galicia non fixo absolutamente nada en Foz e iso que está de Delegado do goberno un mariñán. Hoxe é un día de alegría, aquí entre amigos, respírase socialismo e estou convencido de que Cajoto será o próximo Alcalde socialista de Foz”.
Actuacións do Goberno Socialista de Pedro Sánchez en Foz
Ana Prieto puxo en valor algunha das actuacións que levou a cabo o Goberno de Pedro Sánchez durante este ano como a subida do SMI aos 900 euros, o dereito a paro para maiores de 52 anos, a ampliacións do permiso de paternidade ás 16 semanas ou o aumento das pensións, do que se beneficiaron máis de 3.000 veciños de Foz.
Unha candidatura para volver á alcaldía
“Presentamos unha candidatura forte e ilusionada para volver á alcaldía e gobernar para todos os veciños de Foz”, salientou Francisco Cajoto. Os integrantes da lista do PSOE son os seguintes: Francisco Cajoto Caserio, Héctor Moris Fernández, Acela Verónica Peña Castiñeira, Ana Matea Rojo Eijo, José María Linares Rodríguez, Inés López Couto, Carlos García Rodríguez, María Milagros Louzán García, Francisco Javier Fraga Fernández, Katherina Asunción Alonso Machado, Carlos Fernández Oliveira, Maria Luisa Piñeira Núñez, José Ramón Villarino Neira, Ana Casas Trelles, Marcos Paleo Otero, Vanina Cabrera Sánchez e Jesús Pérez García. Suplentes: Raquel Franco Rey, Miguel Antonio Pena Ares, Beatriz López Rey, Jesús Gerardo Pillado Núñez, María Nelly Castro Neira e Alexander Fernández Castillo.
A Deputada de Muller e Igualdade, Marisol Morandeira, participou este sábado na inauguración, onde destacou o valor desta iniciativa que leva “máis de vinte anos unindo ás persoas arredor do coñecemento, da experiencia compartida e do orgullo polo rural”.
Foi impartida polo sumiller Alberto Vega. A Masterclass buscou aportar coñecemento, fomentar a posta en valor do produto e seguir reforzando a formación e profesionalización do sector dentro da programación de Ribadeo Sabe. Ata a Praza de Abastos se achegaron o alcalde de Ribadeo, Dani Vega, a concelleira de Comercio, Marta Saiz, a presidenta e o xerente de Acisa, Carmen Cruzado e Jesús Pérez. O Ribadeo Sabe terá lugar do 14 ao 17 de maio en 22 locais hostaleiros, que ultiman os preparativos para sorprender con elaboradas e saborosas propostas.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
Nesta edición, a programación céntrase na Idade Moderna en Galicia, combinando sesións teóricas no Real Seminario Conciliar de Santa Catalina con visitas guiadas por Mondoñedo e a súa comarca. O Concello destaca a excelente acollida desta iniciativa e anima a seguir promovendo actividades culturais deste nivel, posibles grazas ao compromiso da USC e ao apoio da Xunta de Galicia.
10:00 h: Apertura do mercado e Andaina histórica por Vilaronte con Moncho Ermida (dificultade baixa). 11:00–14:00 h: Experiencia a cabalo para nen@s (de balde). 12:00 h: Actuación da Charanga Os Sureños. 14:00 h: Sesión vermú con Super Glu. 16:30 h: Contacontos “Contamos contos de lobos” – Ghazafelhos. 18:00 h: Concerto de Tapa D’Orella. Durante a mañá haberá demostración de coiro. Pulpería Suso servirá churrasco, polbo e xamón. Organiza: O Atrio Colaboran: Concello de Foz, Xunta de Galicia, Área de Cultura da Deputación, Centro AD e Fiore Tondo.
Categoría Infantil: 1º premio, Celia Blanco. 2º, Mara Blanco. 3º, Nuno Villares. Categoría Primaria: 1º premio, Laia Rodríguez. 2º, Paula Martínez. 3º, Jesús López e Samuel Riera (empate). Categoría Adultos: 1º premio, Unha receita para a felicidade, de Sonia Corral. 2º, O merodeador da néboa, de Manuel Fernández. 3º, Ou lobo ou o can, de Xolo. O Concello felicita a todas as persoas premiadas e agradece a participación de todas e todos os que fixeron deste certame unha auténtica celebración da lectura e da creación literaria.
A artista Catuxa Salom presentará o seu espectáculo o sábado 30 de maio, ás 22:30 horas. O concerto forma parte da programación cultural apoiada pola Xunta de Galicia, Xacobeo 2027, Artye e Urdime. As entradas están dispoñibles de maneira anticipada por 12 euros, mentres que na billeteira do recinto terán un prezo de 15 euros. A venda anticipada realízase a través da plataforma Woutick.
