CERVO .- Responsables do Concelle de Cervo e das escolas deportivas municipais reuníronse para facer un balance das actividade nas que participan 211 alumnos e alumnas de tódalas idades.
Nota de Prensa
AS ESCOLAS DEPORTIVAS MUNICIPAIS IMPARTEN CLASES A 211 ALUMNOS DE TÓDALAS IDADES NA PRESENTE TEMPORADA
* Representantes municipais e responsables da empresa encargada da xestión deste servizo reuníronse hoxe para facer balance
Cervo, 5 de marzo de 2010.- O alcalde de Cervo, Alfonso Villares e o concelleiro de Deportes, Rubén Fernández, reuníronse esta mañá cos responsables da empresa IG10 -encargada da xestión das Escolas Deportivas Municipais- para facer un balance deste servizo municipal que o Concello está a brindar dende hai tres anos.
Na presente temporada, 2009-2010 participan nas distintas actividades das Escolas Deportivas Municipais (EDM) un total de 211 alumnos de tódalas idades repartidos do seguinte xeito:
| MODALIDADE | INSCRITOS | LUGAR DE CELEBRACIÓN | |
| Fútbol Sala | 29 | Pavillón da Veiga (San Ciprián) | |
| Baloncesto | 27 | Pavillón da Veiga (San Ciprián) | |
| Patinaxe artística | 28 | Pavillón do CEIP de Cervo | |
| Ximnasia rítmica | 15 | Pavillón do CEIP Cervo nº (San Ciprián) | |
| Aeróbic | 5 | Pavillón do CEIP de Cervo | |
| Tenis | 17 | Pavillón da Veiga (San Ciprián) e Pavillón do CEIP de Cervo | |
| Xogolandia (xogos predeportivos) | 14 | Pavillón do CEIP de Cervo e Pavillón da Veiga (San Ciprián) | |
| Ximnasia mantemento (adultos) | 19 | Sala multiusos da Casa do Mar (San Ciprián) | |
| Ximnasia mantemento (adultos) | 19 | Antigo Concello (Cervo) | |
| Aeróbic (adultos) | 21 | Sala multiusos da Casa do Mar (San Ciprián) | |
| Pilates (Adultos) | 17 | Sala multiusos da Casa do Mar (San Ciprián) | |
| TOTAL INSCRITOS: | 211 | ||
Estas actividades están cumprimentadas con outras como son a participación dos alumnos en competicións con outras escolas deportivas e en torneos escolares, xunto con excursións para practicar deportes e tamén para asistir a partidos de competicións de categorías nacionais de diversas modalidades deportivas.
Segundo o alcalde, Alfonso Villares, as Escolas Deportivas de Cervo “gozan de boa saúde”. Na súa opinión a consolidación do servizo reflíctese no incremento de inscritos acadado este ano, sobre todo no tramo de idades que van dos 3 aos 7 anos e onde as inscricións pasaron de 32 na temporada pasada a 46 na presente, “o que supón unha suba de máis do 43 por cento e polo tanto, garanten o futuro das Escolas” salientou.
Villares destacou tamén a gran acollida que están a ter as Escolas Deportivas na súa modalidade de adultos, “o que fixo decidirnos a manter tamén a celebración das clases para esta modalidade en períodos de lecer coma o Nadal, Entroido ou Semana Santa” sinalou. Neste senso adiantou que para a vindeira temporada estudarase a posibilidade de ampliar a oferta para adultos “polo gran número de inscritos que temos na actualidade”.
Pola súa banda, o responsable de Deportes, Rubén Fernández, indicou que as actividades con máis aceptación das Escolas Deportivas son o baloncesto, o fútbol sala e a patinaxe artística e destacou o aumento dos deportes de equipo. “Na temporada pasada en baloncesto tiñamos dous equipos e na presente contamos con 3: un de iniciación, un en categoría alevín, e outro de cadetes. E o mesmo pasa en fútbol sala” indicou. Fernández tamén destacou o incremento “moi notable” nas inscricións en deportes individuais. “En tenis pasamos dos 13 inscritos do ano pasado aos 17 neste; en rítmica de 7 a 15; en aerobic de non ter inscritos a 5; e en xogos predeportivos de 7 a 14” dixo.
O alcalde e o concelleiro de Deportes aseguraron que o grupo de Goberno local está convencido da importancia de desenvolver unha política de fomento da convivencia, da saúde e da participación activa dos seus veciños, “por iso impulsamos hai tres anos estas escolas, para promover a práctica deportiva e o uso continuado das múltiples instalacións das que o noso municipio dispón ao longo de todo o seu termo municipal. Na nosa intención está a de incrementar o nivel de vida e de benestar social dos veciños e veciñas de Cervo e entendemos que, a través do deporte, se contribúe en boa medida a este obxectivo” indicaron.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
