CERVO .- O Concello de Cervo convocou a novena edición do concurso de postais do Nadal dirixida aos escolares do termo municipal que cursen educación infantil e primaria. O prazo para presentar orixinais remata o día 14 de novembro.
Entre as tres postais gañadoras o Concello elixirá unha para felicitar o Nadal aos outros Concellos e Institucións.
O certame establece tres categorías é un único premio para cada unha delas.
Nota de Prensa
O CONCELLO CONVOCA O IX CONCURSO DE POSTAIS DO NADAL ENTRE OS ESCOLARES CERVENSES
Cervo, 15 novembro de 2008.- As concellarías de Asuntos Sociais e de Cultura do Concello e Cervo veñen de convocar a IX edición do concurso de postais do Nadal para os escolares do termo municipal que cursen educación infantil e primaria.
O certame establece un único premio para os gañadores de cada unha das seguintes categorías:
* Categoría A: 3 a 5 anos
* Categoría B: 6 a 9 anos
* Categoría C: 10 a 12 anos.
As obras terán como tema o Nadal, e a súa técnica será libre. Os orixinais deberán presentarse nunha cartolina de tamaño DIN-A4 sen utilizar pegamentos. Terán que enviarse sen asinar e acompañadas dun sobre pechado, figurando no seu interior os datos persoais do autor (nome, apelidos, idade, colexio e número de teléfono de contacto).
Os traballos deberán remitirse ou entregarse na Casa da Cultura de San Ciprián, na Casa do Concello ou nos centros educativos do termo municipal. O prazo para presentar orixinais finalizará o vindeiro 14 de novembro.
Cos traballos recibidos o Concello ten previsto organizar unha exposición coincidindo coas vacacións de Nadal. Entre as tres postais gañadoras o Concello elixirá unha para felicitar o Nadal aos outros Concellos e Institucións. O fallo do xurado farase público a principios do vindeiro mes de decembro.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas deste domingo. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
