Teño que recoñecer que me resulta asombroso como os socialistas demandan no Parlamento, unha e outra vez, a necesidade de priorizar o gasto en asuntos sociais e logo os seus compañeiros de filas en Madrid nos reteñen cartos que nos pertencen e que, precisamente, lle poden servir á Xunta de Galicia, á Deputación e aos Concellos a aumentar o gasto na atención á terceira idade, en melloras na Educación ou na Sanidade… vamos a eses asuntos sociais que tanto reclaman…
Digo isto, porque considero importante, que os mariñanos deben saber que é Pedro Sánchez –ese presidente que non foi quen de formar goberno- o que nos está retendo os ingresos pola participación en tributos como o IVE ou o IRPF.
Para que todos os veciños o saiban, se a actualización das entregas a conta non se soluciona este ano, tanto a Comunidade, que ten uns 700 millóns de euros pendentes en entregas a conta e liquidación-, como a entidade locais, non disporán desta cantidade ata 2021 polo menos, pois a liquidación realízase, a dous anos vista.
O PSOE non cumpriu e, no escenario actual, polo que se ve, tampouco o vai a facer proximamente. Pedro Sánchez está incumprindo coas súas obrigas legais e faino a sabendas de que, se fose responsable, podería ordear estes ingresos xa antes das primeiras eleccións mediante un decreto-lei.
Os Concellos atravesan así, unha situación moi semellante á das Comunidades, pero é que, ademais, afrontan un segundo bloqueo que fai disparar o desfase entre os fondos presupostados e os realmente ingresados, como é que deben facer fronte tamén á suba de salarios dos empregados públicos á que deu luz verde o sanchismo.
Con este panorama, non moi alentador –por certo-, o PSdeG, e máis concretamente a deputada autonómica e secretaria provincial, Patricia Otero, e o seu secretario xeral e agora tamén deputado no Parlamento, Gonzalo Caballero, lonxe de traballar e presionar por unha solución, póñense de perfil e decidiron non facer nin pedirlle nada ao seu xefe de filas na Moncloa. Tal é así que, na reunión celebrada en Ourense en días pasados, alcaldes e presidentes das deputacións, o unico que fixeron foi criticar ao Partido Popular; cuestión que, por outra banda, nada me sorprende, pero que, cando menos, deixa moito que desexar porque, repito, estes fondos son precisamente para pagar a Sanidade, a Educación e os servizos sociais en xeral.
Esta morosidade do Executivo de Pedro Sánchez lévame a concluír, novamente, e créanme que esa non é a miña intención, que nada lles debemos aos gobernos socialistas. Fronte a isto, que fai o Goberno de Alberto Núñez Feijóo pola Mariña? Mellora os nosos colexios, aínda que isto poida traer algunha que outra molestia, paga na súa totalidade o servizo de Axuda no Fogar e investiu 14 millóns na ampliación do noso hospital. Ao meu modo de ver, isto é un Goberno que xestiona; o de Sánchez, como acabo de explicar, un Goberno moroso.
Daniel Vega
Deputado no Parlamento de Galicia
A interrupción do servizo está prevista entre as 8.00 e as 19.00 horas con motivo dos traballos de conexión á nova obra de saneamento que se está a executar na contorna. Trátase dunha intervención necesaria para avanzar na mellora das infraestruturas e dos servizos básicos na zona.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos.