Burela, 24 de outubro, 2019. Os populares da provincia de Lugo, sempre do lado dos mariñáns, participaron na terceira das concentracións que se celebra na comarca en defensa de Alcoa e do emprego nesta planta. Dende Burela, representantes do PP lucense urxiron aos alcaldes do PSOE a urxir ao Goberno de Sánchez a ofrecer solucións para a fábrica ante “unha situación crítica para miles de familias da comarca” e “que empeora co paso dos días” e puxeron de exemplo “ao Executivo de Feijóo, que ten feito chegar aos partidos políticos do ámbito nacional as liñas básicas que debe conter o agardado estatuto electrointensivo”.
Así mesmo, critican que “os alcaldes socialistas da Mariña non se teñan posicionado claramente sobre este problema e se manteñan de perfil”; mentres que son os populares os que lle esixen ao Goberno do PSOE que adopte as medidas necesarias para darlle solución. “Os alcaldes do PSOE, que pedirán o voto para Sánchez na vindeira campaña das eleccións xerais, deberían estar a reunirse coa ministra e co presidente en funcións para buscar solucións para a comarca”, engadiron. Igualmente, sinalaron que o PSOE da nosa provincia “chega tarde” presentando nas distintas institucións onde gobernan iniciativas en defensa de Alcoa.
A concentración celebrada en Burela é a primeira que se desenvolve despois de que Alcoa avanzara a aplicación dun novo plan de axuste que inclúe o peche dalgunhas das súas plantas. “O elevado prezo da enerxía supón unha ameaza para a planta mariñá debido a que impide á fábrica de San Cibrao competir en igualdade de condicións que o resto da industria europea” e, polo tanto, “sitúaa á cola das fábricas de Alcoa en rendibilidade”.
Para os populares “queda aínda máis claro que o problema da planta mariñá é o alto prezo eléctrico” e, polo tanto, reclámanlle á ministra de Industria que ensine o borrador do estatuto das industrias electrointensivas” ante a necesidade por fixar un prezo eléctrico competitivo e estable para o tecido industrial.
Falta de palabra da ministra de Industria
Lamentan, así mesmo, que “a ministra do PSOE aínda non teña convocado a reunión que se comprometera a manter co comité de empresa para amosarlles os avances sobre o estatuto” durante a súa visita ás instalacións de San Cibrao. É dicir, “a ministra socialista falta á súa palabra” e continúa na mesma liña que amosou cando veu de visita á planta cervense onde “nin adquiriu ningún compromiso cos traballadores nin avanzou o contido do agardado estatuto”; senón que “veu á provincia dar un paseo, pero a sociedade lucense agarda e merece moito máis dun membro do Goberno de España”. Os populares recordan tamén que “xa fai un ano que anunciara o estatuto electrointensivo; pero aínda seguimos agardando mentres os traballadores e toda a comarca no seu conxunto suman días de preocupación”.
O Executivo de Feijóo toma a iniciativa
“Co obxectivo de desbloquear esta situación, foi o Goberno galego o que elaborou en consonancia co que defende o comité de empresa, unhas liñas básicas que debe recoller o Estatuto e que xa foron enviadas aos partidos políticos a nivel nacional”. Poñen así en valor os populares da provincia de Lugo “o traballo do Executivo de Feijóo para aportar solucións fronte aos reiterados incumprimentos do Goberno do PSOE”.
O Executivo galego propón medidas de carácter fiscal, como a supresión do imposto do 7% á xeración eléctrica a todos os consumidores, sexan grandes empresas, pemes ou particulares; e a supresión do céntimo verde ao carbón. Pero tamén reducir cargas e peaxes recollidos nas tarifas de acceso pensando en axustar os custos de transporte ao resto de países europeos. Entre as liñas básicas na procura dunha solución sinalan tamén a ampliación das axudas compensatorias por custos de emisións indirectas de CO2 e o fomento da contratación a longo prazo de enerxía eléctrica, de tal maneira que o consumidor poida asegurar o seu prezo do mercado eléctrico para un determinado volume. Ademais, recóllese como necesidade irrenunciable a incorporación da categoría do consumidor hiper-electrointensivo.
Os populares lucenses apoian todas estas medidas que, “sumadas á poxa de interrompibilidade, permitirían á industria galega competir en igualdade de condicións co resto de Europa, situando o prezo do MW entre os 35 e os 40 euros. Xa que o Goberno non está cumprindo coas súas obrigas, agardamos que con este Estatuto que propón a Xunta de Galicia faga dunha vez os seus deberes”, conclúen.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
