Burela, a 15 de novembro de 2019.- O presidente do PP de Burela e edil electo, Manuel Rouco, fixo balance dos resultados electorais do pasado domingo 10N perante os afiliados poñendo en valor que “o Partido Popular se converteu na primeira forza política no municipio de Burela recuperando a confianza da maioría dos bureleses con respecto ás anteriores xerais do 28 de abril”.
Así mesmo, o popular destacou este resultado porque, “entre os concellos mariñáns nos que o Partido Popular recuperou o apoio dos votantes, o municipio de Burela foi o único onde o PSOE mantivo a porcentaxe de votantes incrementándoa nunha décima”. Polo tanto, “o bo resultado do PP en Burela débese a un incremento porcentual de máis de 6 puntos e medio con respecto aos anteriores comicios xerais”.
“Somos conscientes de que aínda existe unha importante división do voto de centro dereita en Burela” e, polo que, “cabe ser prudentes ante este bo resultado; pero, sen dúbida, é esperanzador de cara ao futuro”, manifestou Rouco. O popular fixo fincapé en que “facía máis dunha década que o PP non era a forza máis votada no colexio electoral do IES Perdouro; é dicir, na mesa única onde hai que celebrar unha nova votación este domingo 17 de novembro que dirimirá o último concelleiro en liza na corporación municipal de Burela”.
Rouco sinalou, a este respecto, o desexo da formación popular de que “se dea unha boa participación” e que, como din outros representantes políticos da vila, “a xente vote en conciencia” porque “os bureleses xa sabemos o que pode suceder cando hai certo tipo de maiorías absolutistas”. O popular continuou dicindo que “nin atraen inversións para a vila nin resolven os nosos problemas, xa sexa en solitario ou con algún tipo de preacordo de goberno oculto entre varias formacións políticas”. Ante esta situación, Rouco considera que “é fundamental un partido forte na corporación de Burela que poña o contrapunto a este tipo de situacións e que poda representar e defender os verdadeiros intereses dos bureleses”.
“Independentemente de todo o que poda suceder este fin de semana; agardamos que o esforzo e o bo traballo que está a poñer enriba da mesa o PP local sirva, co tempo, para recuperar a confianza dos veciños e veciñas de Burela na formación política que máis fixo pola nosa vila”, apuntou o popular. Deste xeito, “sería posible un cambio de tendencia que favoreza un novo rumbo de auténtico futuro para Burela”, tal e como defendeu Rouco.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
En concreto, o sinistro ocorreu na N-634, en Vilaframil. Neste caso, un dos vehículos implicados envorcou e o único ocupante quedou atrapado, polo que necesitou axuda dos Bombeiros de Barreiros para poder saír do coche. Cando foi liberada, a persoa recibiu os primeiros coidados dun equipo de Urxencias Sanitarias de Galicia-061 desprazado no lugar dos feitos. En relación ao outro condutor implicado no accidente, cómpre destacar que tamén era o único ocupante, resultou ileso e estaba liberado e accesible.
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
