Lugo, a 4 de marzo de 2020. As institucións públicas están ao servizo dos cidadáns. Para servir debidamente aos intereses dos contribuíntes, os seus máximos responsables teñen que estar permanentemente dispostos a escoitalos, ben directamente ben por medio dos seus representantes. No caso da Deputación de Lugo tal circunstancia non se da, polo menos no que se refire ao seu presidente, o socialista José Tomé, porque tarda meses e meses en recibir aos alcaldes e portavoces do Partido Popular. O portavoz popular na Deputación, Javier Castiñeira, critica con dureza esta falta de respecto a quen representa a veciños da provincia de Lugo e avisa de que este é o exemplo no que os cidadáns poden comprobar que entende o PSdeG, liderado por Gonzalo Caballero, por participación, diálogo e transparencia.
Un dos casos máis chamativos é o do alcalde de Xove, Demetrio Salgueiro, que leva seis solicitudes de reunión co presidente da Deputación sen conseguir que fixe fecha para o encontro. Salgueiro quere falar co socialista Tomé, entre outras cuestións, sobre o mal estado das carreteras provinciais no seu concello, así como de Alcoa. Sinala: «Se este é o modelo do PSOE do que fala Abel Caballero, se o modelo socialista é o de non recibir aos alcaldes e aos veciños, está claro que esa folla de ruta non serve para Galicia». Salgueiro engadiu: «Temos que dar a razón aos traballadores de Alcoa, que ao entrar na Deputación, na recente manifestación en Lugo, expresaron a súa profunda desconfianza nas políticas socialistas». Dixo tamén: «Este desplantes no os fai Tomé aos alcaldes do PP, que tamén, faimos aos veciños da provincia de Lugo». Salgueiro alude entre outras cousas ao acordo que firmou co anterior presidente da Deputación, Darío Campos, para o amaño das estradas provinciais no termo municipal de Xove. «Non entendemos como pode ter parada a execución dun acordo que está asinado, e que afecta aos veciños e ás empresas de Xove sen distinción de cores políticas». Recorda que o de Xove é un dos concellos que máis aporta a Deputación pola recadación do IAE de Alcoa, uns 400.000 euros cada ano.
Outros alcaldes populares tamén levan xa largo tempo esperando a ser recibidos polo socialista José Tomé. Nalgún caso a espera dura xa desde o pasado mes de outubro.
O portavoz do grupo popular na Deputación, Javier Castiñeira, sinalou: «Se algo xustifica as deputacións é a atención as necesidades dos concellos, e fundamentalmente dos concellos máis pequenos. Se hai alcaldes que precisan falar co presidente da Deputación de Lugo e non son atendidos, estase incumprindo o obxectivo número un destes organismos provinciais, que é a proximidade aos concellos. Hai alcaldes que teñen asuntos cuxa execución non pode esperar, que precisan da Deputación e teñen que ser recibidos con prontitude. Esta é a nosa reclamación: que o presidente da institución provincial reciba canto antes aos alcaldes da provincia, sexa cal sexa a súa cor política». Recorda que o PP goberna en máis de 30 municipios da provincia e que o popular e o grupo máis numeroso na Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
