Cervo, 18 de marzo de 2020.- O Concello de Cervo pon en marcha unha serie de iniciativas para contribuír a facer máis amenas estas xornadas de confinamento á veciñanza.
Deste xeito, hoxe mesmo, arrinca o programa de actividades propostas a través das redes sociais municipais (https://www.facebook.com/CONCELLO-DE-CERVO-AYUNTAMIENTO-DE-CERVO-328922863972 e o instagram @cervocultura https://instagram.com/cervocultura?igshid=2jerajytcnpu baixo o cancelo #cervoquedanacasa.
Para poder participar no concurso os pasos son os seguintes:
1º Facerse seguidor da nosa conta de instagram @cervocultura
2º O mesmo día do concurso, de 12:00 a 20:00 horas, as persoas que desexen participar deber subir a súa foto ou vídeo ao seu instagram etiquetando a @cervocultura co cancelo #cervoquedanacasa
3º Ás 17:00 horas do día seguinte de cada un dos certames anunciarase o/a gañador/a
Os premios serán entregados ao remate da corentena e a axenda de actividades é a seguinte:
Mércores 18 de marzo, concurso de fotografía. Premiarase a foto máis orixinal sobre como pasar a corentena na casa
Venres, 20 de marzo, concurso de debuxo. Premiarase a orixinalidade e a utilización de distintas técnicas.
Sábado, 21 de marzo, concurso “tik-tok”. Premiarase o vídeo máis enxeñoso.
Luns, 23 de marzo, concurso de reciclaxe. Premiarase a modalidade máis orixinal realizada con materiais reciclados.
Mércores, 25 de marzo, concurso de cine. As persoas que desexen participar teñen que caracterizarse das súas personaxes favoritas e gravar unha pequena curtametraxe que faga referencia a dita película, serie ou debuxo animado.
Venres, 27 de marzo, concurso de música. As persoas que queiran participar teñen que tocar un instrumento, cantar ou bailar.
Desde o Concello de Cervo precisan que “sabemos que son días complicados para todos/as nos que debemos sumar esforzos e seguir as recomendacións das autoridades competentes para frear a expansión do virus; a fin de tentar contribuír a facervos máis amenas estas xornadas deseñamos este programa agardando que sexan moitos/as os/as veciños/as e as familias que se sumen; porque ademais é unha forma de estar interconectados nestes días e de interactuar uns cos outros”.
Ademais –engaden- “tamén somos conscientes de que nestes días as nosas rutinas están a sufrir variacións importantes. Sabemos que, entre outras moitas cousas, bótase de menos o exercicio no día a día; por iso, desde o Concello de Cervo, iremos compartindo diferentes sesións deportivas con elementos que todos temos a disposición nas nosas casas”.
Son rutinas especialmente pensadas para as persoas usuarias das nosas Escola Deportivas Municipais, pero que, por suposto, convidamos a realizar a todos/as da man da nosa monitora Belinda.
Aquí vos deixamos o enlace da primeira rutina deportiva.
https://m.facebook.com/story.php?story_fbid=10160015488128973&id=328922863972
Este ano, como novidade, as crianzas participantes neste programa están a desfrutar de sesións de inglés dunha forma lúdica, dinámica e divertida, grazas á colaboración da English School de San Cibrao. A través de xogos, cancións, actividades participativas e moita creatividade, os nenos e nenas reforzan a aprendizaxe do inglés nun ambiente distendido, fomentando a comunicación, a curiosidade e a confianza para expresarse noutra lingua.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
O Grupo Sargadelos adquiriu todos os bens inmobles, maquinaria e fondo de comercio de Burelarte S.L. As naves, de máis de 3.000 m² e os terreos anexos, con máis de 4.000 m², destinaranse a ampliar e mellorar a capacidade produtiva das empresas do grupo. Ademais, Sargadelos integrará a maior parte da plantilla de Burelarte e tentará manter viva a marca BurelaRTe, recoñecida pola súa calidade no gres porcelánico, sempre que a autoridade laboral o permita.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
Polos micrófonos pasaron entre outras as concelleiras de Cultura e Turismo: Begoña Sanjurjo e Marta Saíz; o alcalde, Dani Vega; a pdta de Acisa, Carmen Cruzado; a dtra da Coral Polifónica de Ribadeo, Mari Carmen Rdez Cancelo; a pregoeira, María Xosé Porteiro ou Ángel Terry, membro do afamado grupo de son cubano, Estrellas de Buena Vista y más que foron os encargados de pechar o evento na xornada do domingo.
A alcaldesa, Dolores García Caramés, e o concelleiro Adrián Arias non quixeron perderse a cita e foron os encargados de facer entrega dos premios ás persoas gañadoras, felicitando a todos os participantes polo seu esforzo e polo gran nivel demostrado durante a competición. Desde o Concello de Cervo expresaron o agradecemento á Asociación Cabaleiros da Bidueira polo excelente traballo de organización, así como a todas as persoas colaboradoras, participantes e público asistente que fixeron posible o éxito desta terceira edición.
María José Gómez, participou este sábado nos actos de celebración do XI Ribadeo Indiano.
