A Mariña, martes 21 de xullo. Debido ás circunstancias sanitarias que estamos atravesando, o BNG organiza un Día da Patria Galega expansivo e descentralizado cun acto central en Santiago o día 25 ás 12:00 na Praza da Quintana, cunha estricta limitación de aforo e reducido só á cidade de Compostela e comarcas limítrofes, con inscrición previa. Desde A Mariña non se poderá asistir pois a este acto que si poderá ser visto na canle de facebook do Bng, conectándose a https://fb.com/obloque
Actos na Mariña
Despois de térense suspendido dúas datas de referencia na Mariña, debido á situación sanitaria, como son a de Foz, cita lúdico-política e gastronómica con exaltación do chicharro, produto local, e a de Barreiros, coñecida popularmente como “a bonitada do Bloque”, @s nacionalistas da Mariña desplegarán esta semana a bandeira da patria, de considerables dimensións que será portada por un máximo de dez persoas das respectivas localidades en diversos puntos da comarca, coa seguinte orde cronolóxica:
Martes 21, ás 19:00, no Dique Norte de Morás
Mércores 22, ás 16:00 na ponte da Misericordia, en Viveiro
Mércores 22, ás 19:00 no Castelo de Alfoz
Xoves 23, ás 17:00 na Ponte da Espiñeira (Barreiros-Foz)
Xoves 23, ás 18:00 en Burela, no caso de que remate o confinamento, senón non se fai.
Construíndo a nova Galiza
“Nunha época complicada para Galiza e especialmente para a nosa comarca, o BNG reafírmase na convicción de que hai futuro para A Mariña, e nese futuro nosoutras seremos parte da solución, poñéndonos do lado d@s que están sufrindo esta crise económica, sanitaria e de emprego, como fixemos sempre e seguiremos facendo, máxime agora que temos unha ampla representación no Parlamento de Galiza e onde A Mariña terá voz propia co deputado Daniel Castro” afirmou a responsable comarcal Ana Ermida. “Entre todas construiremos unha nova Mariña nesta nova Galiza á que aspiramos”, rematou dicindo.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
